Envía a túa opinión
Como “o acontecemento musical do verán” describen desde a Federación Galega de Bandas Populares o campus que se está a celebrar en Santiago. Máis dun cento de alumnos – a meirande parte deles galegos, pero tamén algúns chegados de distintas comunidades autónomas- amplían os seus coñecementos nas especialidades ligadas ás bandas de música (frauta, óboe, fagot, clarinete, saxofón, trompeta, trombón, tuba, percusión, trompa, piano, composición e dirección). O resultado do seu traballo poderase comprobar nos concertos que enchen durante esta fin de semana distintos escenarios de Compostela.
Envía a túa opinión
O Salón Teatro de Santiago abre temporada co espectáculo “Life is a paripé” da compañía compostelá Obras Públicas. Serán dúas funcións que terán lugar o venres 10 e o sábado 11 ás oito e media do serán. César Goldi, Mos e Iolanda Muíños protagonizan 11 “sketches” nos que mesturan música, teatro e “cachondeo” a partes iguais.
Envía a túa opinión
A cidade da Coruña acollerá mañá o inicio da nova etapa dos Axóuxeres, unha iniciativa da Secretaría Xeral de Política Lingüística que, mediante a música, os xogos, as cantigas e as palabras, busca favorecer a incorporación do galego á comunicación entre as familias e os bebés.
Envía a túa opinión
A Xunta de Galicia ven de materializar hoxe o seu dereito de adquisición preferente sobre as accións postas en venta por Endesa da regasificadora do Noroeste Reganosa. O conselleiro de Economía e Industria, Javier Guerra, indicou xunto co vicepresidente executivo do Grupo Gadisa, Roberto Tojeiro, que a Xunta, conxuntamente con este grupo, efectuará o seu dereito de tanteo que ambos teñen como socios da compañía, para garantir que, a lo menos, o 51% da mesma, siga en mans galegas.
Envía a túa opinión
O primeiro Festival Folk de Vigo xa está en marcha. O proxecto nace da revista Sons da Galiza co obxectivo de apostar pola consecución dun festival permanente de música tradicional na cidade olívica. Segundo comentou en Radiofusión o organizador da cita, Óscar Martínez, tamén procura servir de escaparate aos grupos noveis e de tradición que non dispoñen de locais ou oportunidades suficientes para amosar o seu facer.
