Publicidade Radiofusión
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Martes 24 de Xaneiro de 2017
NOVAS

A rede de sumidoiros de San Valentín é unha das obras propostas

Obras a realizar en 2017

Sociedade 23/01/2017
  Envía a túa opinión

A comisión de Desenvolvemento territorial e do Medio do Concello de Fene reúnese este martes nunha sesión ordinaria que será aproveitada polo executivo local para presentarlles ao resto de grupos municipais o listado de actuacións que se propón financiar con cargo ao programa provincial POS+, cifrado en algo máis de 775.000 euros. O obxectivo do bipartito -que xa mantivo encontros coa oposición ao respecto no mes de decembro- é consensuar os investimentos que se van levar adiante tomando como punto de partida da negociación arredor dunha vintena de propostas recollidas nas xuntanzas que mantivo recentemente o grupo de goberno co tecido asociativo do municipio.


Saida da III Open Rogaine Sendeiros de Fene

Un xabarín quíxose sumar ao III Open Rogaine

Deportes 23/01/2017
  Envía a túa opinión

Un xabarín atravesou a zona de saída do III Open Rogaine Sendeiros de Fene, carreira de orientación nocturna na que participaron 220 persoas. Angel García e Isabel Diz alcanzaron as máximas puntuacións nos percorridos longos. Nos curtos fixeron os mellores resultados Miguel A.Fernández Rivera e Aleixa Loureiro.


San Tirso - Maniños no campo do Monte

Perseverencia e pelexa

Deportes 23/01/2017
  Envía a túa opinión

Partido moi igualado en San Tirso de Mabegondo. O equipo local púxose por diante en 2 ocasións, pero o Maniños non lle perdeu a cara en ningún momento ao partido. Nos últimos minutos a defensa local fíxolle un placaxe ao lateral visitante Dani e puido ser o gol da vitoria do Maniños. Josiño marcou os dous goles visitantes. (2-2) “O equipo estivo moi metido no partido, deuno todo nun campo moi pequeno” afirma o directivo do Cultural Maniños Alfredo Fernández.


Fotografía: Sandy López

Un campo de terra reducido e irregular

Deportes 23/01/2017
  Envía a túa opinión

O campo de terra reducido e irregular condicionou o partido de fútbol da Segunda Galicia entre o Estrella e o Perlío. “O Estrella é un equipo que se adapta moi ben ao seu campo, despexan o balón e saen ao contraataque con moita velocidade. Alí na súa casa é moi dificil sacarlles algo” afirma o adestrador do Perlío Chechu Piñeiro. No campo da Solaina o choque saldouse cun reparto de puntos (2-2).


S.D.Barallobre solidaria con Adri

Xornada solidaria con Adri

Deportes 23/01/2017
  Envía a túa opinión

Xornada SuperAdri, en favor da investigación da Síndrome de Hunter. Adri é un neno de Ares con esa doenza rara que está en investigación e precisa de financiamento. No campo do Ramo de Barallobre recaudáronse máis de douscentos euros para esa causa de xeito simultáneo aos restantes campos de fútbol de Ferrolterra na iniciativa denominada "Unha cura para Adri".


As cores no mercado dos lavradores no Funchal (Madeira)

O mercado do Funchal, un dos mais fermosos do mundo

Sociedade 22/01/2017
  Envía a túa opinión

Un mariño mercante con moitos anos de experiencia por todos os océanos díxome: "En Funchal, vai ao mercado, é un dos máis fermosos do mundo". Alá fun e o resultado non defraudou as miñas expectativas. O peixe espada preto, o bacallau e o bonito rezuman alí frescura. Na sección de froitas e hortalizas, a tropical gama de cores acompáñase dos tamaños máis exhuberantes.

Publicidade

Axenda

Enquisa

Os galegos e galegas debemos ter dereito a decidir?
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros