Publicidade Radiofusión
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Xoves 18 de Xaneiro de 2018
Estás en Actualidade > Listado de novas
Buscador de novas BUSCAR
Listado de novas

Os egos dos futbolistas de élite

Sociedade 17/01/2018
  Envía a túa opinión

“Unha cousa é non caer nos caprichos e nos egos dos futbolistas de élite, nos moitos intereses económicos e comerciais, e outra é desoir permanentemente as súas necesidades” afirma o psicólogo José Barcia que tamén suliña: “Son persoas moi xoves e viven dentro dunha burbulla e é un erro non escoitar as súas necesidades".

José Barcia, psicólogo e monitor deportivo

Menudo artistiña está feito

Sociedade 17/01/2018
  Envía a túa opinión

Belén Montero e Juan Lesta son os dous compoñentes da produtora audiovisual Esferobite-DSK. Unha firma especializada en posprodución dixital e formación que ten no seu haber unha longa traxectoria creativa entre a que se contan documentais e videoclips para grupos tan coñecidos como Fangoria. Lesta e Montero son vellos coñecidos de San Sadurniño, onde participaron no Chanfaina Lab e na impartición de obradoiros, como o ofrecido o ano pasado sobre gravación e edición con dispositivos móbiles. Este venres volverán para presentar "Artistiña", unha peza documental onde se reflexiona sobre a arte e as persoas que todos os días deben superar atrancos para achegarlle ao público o seu xeito de ver o mundo. "Artistiña" proxectarase o venres ás 20.00h. na Casa da Cultura de San Sadurniño, con entrada de balde.

Definicións posibles

Camiñando ata o Marco do Salto

Sociedade 17/01/2018
  Envía a túa opinión

O Concello de Cabanas retoma o calendario de rutas de sendeirismo para dar a coñecer o rico patrimonio natural do municipio. A primeira celebrarase o sábado 27 de xaneiro e, a partir de entón, programaranse cunha periodicidade mensual –os últimos sábados de cada mes-. A proposta para xaneiro contempla unha ruta de algo máis de nove quilómetros entre a casa consistorial e o Marco do Salto. Cunha duración estimada de dúas horas e cincuenta minutos, dará comezo ás 10 horas. Para tomar parte é preciso inscribirse previamente e o prazo está xa aberto na Concellería de Deportes – pranta baixa da consistorial, correo electrónico cultura@cabanas.gal ou teléfono 981 49 59 59 ext.3-. Trátase dun percorrido circular que ofrece algunhas das mellores panorámicas sobre as rías e a zona costeira de Cabanas. Amáis da riqueza natural, a ruta descubre xoias arquitectónicas como a igrexa parroquial de San Andrés, do século XVIII, a Casa Palacio, ou monumentos megalíticos como o Marco do Salto.

Un mundo no que mandan os cartos

Sociedade 17/01/2018
  Envía a túa opinión

Os actores Xosé Bonome e Pedro Picos son “Os amos do mundo” na comedia de Bucanero Teatro, unha obra escrita por Carmen Blanco e dirixida por Lino Braxe. Achéganse ao Círculo Mercantil Unidade de Fene este sábado 20 de xaneiro, ás oito da tarde. A obra estreouse no 2015 e é de momento a última producción do grupo que se achega a unha das sociedades de Fene con máis afección teatral. No seo do CMI Unidade de Fene traballa o grupo de teatro afeccionado Xosemaría Pérez Parallé, dirixido precisamente, dende hai uns meses, polo mesmo actor ferrolán, Xosé Bonome.

"> Compartir |
Envíar a Chuza

Repartiranse 6.500 euros no entroido

Sociedade 16/01/2018
  Envía a túa opinión

O entroido no concello de Fene é un dos de máis sona en toda a volta pola numerosa participación veciñal e pola animación que adoita ter, especialmente no Mércores de Cinza. Nese día -que este ano cadra 14 de febreiro- as máscaras e comparsas percorrerán as principais rúas ata chegaren á Praza do Alcalde Ramón Souto González, onde se lle dará cumprida despedida ao entroido con troula, música e a tradicional queima do Antón. Acaban de publicarse as bases que rexerán o funcionamento do desfile e a asignación de subvencións para incentivar a participación de comparsas, que este ano ascende a 6.500 euros. O prazo de inscrición finaliza o venres 2 de febreiro ás 14.00h.

60 anos de chocolate con churros

Sociedade 16/01/2018
  Envía a túa opinión

A chocolataría Bonilla á vista da rúa Galera cumpre hoxe 60 anos endulzando os almorzos e merendas dos coruñeses. Máis de medio século de historia do que é hoxe en día o local Bonilla á vista máis antigo da Coruña, a onde se trasladaba en 1958 dende o primeiro local aberto en 1949 na Rúa Orzán. Desde entón a chocolataría Bonilla á vista de Galera converteuse en enclave necesario na historia da cidade. É complicado atopar un coruñés que non deguste unha cunca de chocolate ou saboree os famosos churros neste local que mantén hoxe, 60 anos despois, o espírito do espazo orixinal, con balaustradas e porta de madeira nobre e barra de dobre altura, tan característica daqueles anos 50.

As donas da Liga

Sociedade 16/01/2018
  Envía a túa opinión

Retomamos a Liga Feminina de Fútbol 8. Despois do Nadal xogouse o último encontro da primeira volta. O Maniños chega campión de inverno, facendo pleno. Gañou todos os encontros e suma os 45 puntos posibles. Cumprense así todas as espectativas de técnico e xogadoras. O último choque foi co Discalzas. Maniños 7- Discalzas 1.

Fernando Aneiros
Publicidade

Axenda

RadioFusiòn no Facebook

Enquisa

Os galegos e galegas debemos ter dereito a decidir?

Últimas descargas MPEG audio

Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros