Envía a túa opinión
O grupo lucense do PSdeG, personificado nas figuras do senador e secretario provincial Luis Ángel Lago Lage, da deputada en Santiago, Sonia Verdes, e do parlamentario José Tomé Roca, reuniuse onte co Comité de Empresa de Leche Pascual, representado polo seu presidente, Pedro Neira, para avaliar o estado do ERE. Despois da xuntanza, o secretario provincial do PSdeG-PSOE de Lugo, Luis Ángel Lago Lage, ratificou o apoio do seu partido aos traballadores desta empresa e cualificou de “vergoñento” que Pascual “intente reducir gastos, facer caixa e aumentar beneficios a costa dos seus traballadores, das súas familias e dos seus empregos”.
1 comentario/s - Envía a túa opinión
Da segregación, á reagrupación. Se a Consellaría de Educación non desbota dividir ao alumnado galego en función do idioma vehicular que escollan os seus pais unha vez que saia adiante un novo Decreto do galego no ensino, agora vén de remitir unha circular aos centros escolares na que se lles demanda, de cara ao vindeiro curso, reagrupar nunha mesma aula a aquelas que teñan 20 ou menos alumnos, ainda que estes sexan de cursos distintos. Os sindicatos pensan responder e a CIG-Ensino xa anunciou que esixirá a retirada da orde, “porque rebaixa a calidade do ensino e vai supor reducir o profesorado nos centros”, declarou o seu secretario nacional, Anxo Louzao.
Envía a túa opinión
“Mira qué playa, mira qué sol, gente bonita a tu alrededor!”, cantaba Bertín Osborne nun dos seus grandes éxitos, ideado para ser banda sonora dunha campaña de promoción turística e que recitaban como un mantra budista os millóns de persoas que cada verán facían caravanas en coche para ir aos seus apartahoteles no Levante español. Eu vivín esa experiencia e pasei un verán en na Manga do Mar Menor, unha lingua de terra entre dous mares, á que Callejeros dedica unha reportaxe na noite de Cuatro.
Envía a túa opinión
Un moniface rebelde que leva por nome Bobi, cuestiona a viaxe que quere iniciar o seu manipulador. Así comeza a obra “En camino”, unha comedia que esta tarde poderá verse no Multiusos da Xunqueira dentro do Festival Internacional de Títeres. A continuación pasarán polo escenario outras personaxes como a avó margarita, que leva á platea a súa teima por formar parellas e logo chega veto, un bébedo pelexador que transformará o teatro nun bar.
Envía a túa opinión
Crear unha marca propia e identificativa do leite en Galicia. Esta é a proposta que o conselleiro do Medio Rural, Samuel Juárez, expuxo no Parlamento Galego. Unha idea que suscitou as máis diversas reaccións, desde apoios a críticas, pasando por unha escala de grises. O programa Onda Rural recolleu as opinións arredor deste asunto.
