Envía a túa opinión
A Comisión de festas de Maniños (Fene A Coruña) ultimará nas vindeiras semanas o cartel do Festipote, a iniciativa musical para a xuventude que tanto éxito logrou o pasado ano. A comisión organizadora intensifica os contactos con grupos, para lograr traer a Maniños algunha das formacións de maior éxito na música galega de actualidade.
Envía a túa opinión
O catedrático de Filoloxia Galega da Universidade de Santiago Xosé María Dobarro participará na celebración do Dia das Letras no Círculo de Fene. Pronunciará unha charla sobre Valentín Paz Andrade o mesmo 17 de maio. O dia anterior a entidade de Fene presentará o libro gañador do Pérez Parallé, o poemario de Lorena Souto, chamado “Fase de trema”.
.JPG)
Envía a túa opinión
Un mestre de chapa fina de Astano chamado Piñeiro plantou a Paulownia tomentosa de Pumido en Maniños. Trouxo a árbore de Cuba, onde estivera emigrado, na década dos anos 30. A árbore secou o pasado ano pero ainda amosa a súa estrutura, cunha altura de 17 metros, un ancho de copa de 13 metros e un perímetro de tronco de 2 metros 40 centímetros.
Envía a túa opinión
Máis de 500 euros. É o que subirá o prezo da matrícula nas universidades galegas, agoiran as principais organizacións estudantís, de acatar a Xunta a suba de taxas formulada polo Ministerio de Educación. Malia que a Administración autonómica formulou que sempre subirán o mínimo dentro da marxe dispoñible, para o responsable de Universidades dos Comités, Daniel Candal, iso non é un argumento válido: “Que sigamos coas taxas máis baixas do Estado é o normal cando temos os salarios máis baixos ou ou financiamento universitario máis baixo”, declarou a Radiofusión.
Envía a túa opinión
A maternidade, esa experiencia. Esa que só son capaces de sentir as mulleres e, polo que parece, Alberto Ruiz Gallardón, os bispos e os socios de Red Madre. A maternidade como marabilla que non parece humana, senón divina, como fogos artificiais da química celular. Tamén como maxia que non poderían replicar nin Houdini nin David Copperfield (este último só de maneira vicaria no seu día con Claudia Schiffer). A maternidade como musa das artes, esculpida en mármore de Carrara, pintada en lenzos relixiosos ou fotografada para a portada da “Vanitiy Fair” en forma de Demi Moore espida e sobredimensionada. O feito de parir como campo de probas das terapias alternativas, agora na piscina, agora con drogas, agora abaixada sobre as pernas, agora con música de Mozart. A maternidade como ocasión para probar, pai orgulloso, a nova cámara de vídeo en alta definición antes de desmaiarse ou de deixar que o fagan os cámaras de La Sexta e que o cordón umbilical do teu neno sexa o máis fermoso da televisión.
