Envía a túa opinión
A conta atrás para a xubilación aos 67 anos comeza hoxe. Os socialistas lograrán, con apoio suficiente doutros grupos da Cámara, aprobar no Congreso dos Deputados o proxecto de lei de actualización, adecuación e modernización da Seguridade Social, un longo eufemismo que na práctica supón o adiamento da idade para o retiro laboral. A medida aplicarase de xeito progresivo e non terá efecto para todos os traballadores até o ano 2027. Os aumentos paulatinos aplicaranse a aqueles empregados con partida de nacemento do ano 1948 e posteriores. Así as cousas, só poderán seguirse xubilando aos 65 anos os que teñan agora 51 e 38 anos e medio de cotización.
Envía a túa opinión
O portavoz do BNG no Congreso, Francisco Jorquera, dirixiuse na sesión de control ao Presidente do Goberno español, José Luis Rodríguez Zapatero, para demandarlle a adopción de medidas para defender a sectores relevantes da economía galega: o sector naval co problema do tax lease, e os sectores da conserva e do biodiésel fronte á competencia desleal procedente de terceiros países.
Envía a túa opinión
A Comisión Europea prepara unha reforma xurídica para protexer aos produtores autóctonos de biodiésel fronte ás importacións de países foráneos. A medida beneficiaría ás catro factorías galegas, dúas en Ferrol, unha en Lugo e outra en Cerceda, que levan meses coa produción practicamente paralizada e varios expedientes de regulación de emprego en marcha. O anunciou realizábao o presidente do Goberno, José Luis Rodríguez Zapatero, no pleno do Congreso dos Deputados. Porén nada revelou sobre o decreto que reservaría para o biodiesel producido no Estado unha cota do sete por cento no mercado e que, malia estar xa preparado, segue sen elevarse ao Consello de Ministros. O deputado do BNG Francisco Jorquera demandoulle que lle dea luz verde para frear o alto índice de importacións desta enerxía renovable procedentes de Arxentina e Indonesia.
Envía a túa opinión
Esta mañá, o presidente do Consello de Cultura Galega (CCG), Ramón Villares, e o Conselleiro de Educación, Xesús Vázquez, asinaron na cidade de Santiago de Compostela un acordo de colaboración co que se busca fomentar o uso do galego dende o ámbito local.
Envía a túa opinión
Guillerme Vázquez e Xosé Lois Veiga, portavoz nacional do BNG e membro do Consello de Administración de Novacaixagalicia, respectivamente, declararon hoxe ante os medios o seu rexeitamento ante a posíbel bancarización da caixa galega, advertindo dos seus riscos e definíndoa como a "desaparición absoluta de Novacaixagalicia".
