Dous kiwis pequenos conteñen máis vitamina C que unha laranxa. Esta froita presenta importantes concentracións de fibra, potasio e vitamina E. O seu sabor doce e agradable convirtea nun ingrediente importante para unha dieta saudable, sobre todo para os pequenos e pequenas. En Tomiño (Pontevedra) celébrase a vindeira fin de semana a II Festa do Kiwi. Esperan superar os 10.000 visitantes da edición do 2008.
Os stands dos 60 expositores abriránse o sábado 9 ás 11,30 da mañá. Ofrecerán aos visitantes aceite, marmelada ou aguardente a base desta froita. Tamén haberá “kiwitas”, un doce a base de améndoa e kiwi que se elabora nesta localidade que é o Concello do Estado español de máis producción desta froita. Calcúlase que entre sábado e domingo se consumirán 1.500 quilogramos de kiwi.Tomiño, municipio pertencente á comarca do Baixo Miño, conta co 60% de superficie de plantación de kiwi en Galicia, comunidade na que se contabilizan 450 hectáreas en produción que xeran 6.500 toneladas de froito ao ano. En España o consumo de kiwi excede os 80.000 toneladas ao ano, mentres que a produción chega só a 10.000 toneladas.
