A II edición das meninas de Canido celébrase mañá sábado, convertindo as rúas nun museo ó ar libre no que cada veciño ofrece a súa propia visión da famosa obra de Velázquez. Esta xornada artística, que conta co apoio do Concello de Ferrol, naceu coa intención de chamar a atención sobre a situación do barrio de Canido. Esa idea segue latente pero o que comezou como una ación reivindicativa, agora convertiuse en toda unha festa con música, comida e sobre todo pintura.
Desde as 10 da mañá os pintores estarán traballando nas paredes das rúas Alonso López Estrela e Ínsua. Animarán o seu traballo actuacións de Antón Varela e Cristina Montero que fará un espectáculo de danza contemporánea. Tamén haberá pasarrúas na mañá. Pola tarde haberá un obradoiro de pintura para nenos e a partir das 8 do serán a música será a protagonista.
Arte e festa xúntanse outro ano máis e esta edición das meninas de Canido rematrá a altas horas da noite
