Fene acolle esta fin de semana a Feira Franca Medieval 2009. As actividades desenvolveranse dende o venres 25 ata o domingo 27. O Mercado Medieval contará con obradoiros de oficios antigos, teatro na rúa, música, danza e espazos para os máis novos / as. Unha nova actividade de lecer para Goce dos veciños e veciñas de Fene (A Coruña).
A feira ábrese o venres 25 de setembro de sete do serán a doce da noite. Farase a apertura das listas, e haberá obradoiros de oficios antigos así coma recuncho infantil. Ás oito e media serviráse unha cea popular na Praza do Concello, con churrasco de porco e de Tenreiro, froita, pan, viño e auga. O prezo por persoa será de 10 €. As inscricións faranse na portería da Casa do Concello. Un espectáculo en directo durante a cea amenizar a velada.
Co pregón de inauguración e pasarrúas iniciánse ás once da mañá os actos do sábado. A troula correrá a cargo de músicos e bailaríns e das obras de teatro na rúa. Pola tarde a festa comezará ás seis cunha ambientación similar á da mañá. Amais ás oito da tarde haberá teatro de marionetas. Un espectáculo de lume e danza do ventre levarase a cabo ás dez da noite ao que lle seguirá un concerto de música celta.
O domingo 27 os visitantes poderán visitar a feira dende as 11 da mañá ata as 14:00 en horario de mañá, ea partir das 18:00 ata fin de festa.
A organización da Feira pretende encher a Fene de actividades participativas e de lecer, que convertan ao Concello durante eses tres días nun lugar de referenza e nunha parada obrigada.
