Fonsagrada prepara para o sábado 6 e o domingo 7 de febreiro a XIII edición da Feira do Butelo. Espérase manter o nivel de afluencia e de vendas do ano pasado, cando visitaron a vila máis de 8.000 persoas que mercaron 15.000 quilos de produtos cárnicos nos 60 postos instalados no feiral.
O debuxante Forges, de orixe fonsagradina, colaborou nesta edición deseñando o cartel anunciador. Anuncia tamén a súa asistencia á vindeira fin de semana. 62 expositores teñen confirmada a súa asistencia con produtos derivados do porco celta, queixos, grelos, doces, pan e manufacturas de artesanía. Este ano ademias montaráse un posto de elaboración de filloas a pedra.
Tanto o día 6 coma o 7, os postos abrirán ás dez da mañá e pecharán ás sete da tarde. O sábado ás doce e media terá lugar a inauguración oficial e o domingo serán recibidas as autoridades convidadas. Ás doce e media actuará a agrupación local Antaruxas e Sorteiros.
