Isto pode dar moitos cambios, afirma con humildade e prudencia o adestrador do Perlío Tito Dopico. Despois de gañar onte ao Maniños, o equipo dos Pinares afianzase na cabeza da clasificación da Segunda Autonómica de fútbol, e lévalle 8 puntos ao segundo clasificado.
O Perlío sufriu nos últimos 5 minutos do partido da tarde do domingo, celebrado no campo municipal de Neda. Con 2 goles de Fornos puxéranse por diante no marcador e controlaron ben ao Maniños ao longo de todo o encontro. Tiveron incluso oportunidades para sentenciar o partido. Pero xa a pouco do remate o Cultural Maniños logrou un gol e púxolle o medo no corpo aos dos Pinares.
