Co Cebarca vén de empatar a uns a Sociedade Deportiva Barallobre no Ramo. Un choque para os de Javier Aguilar, no que resultaba imperioso gañar para saír dos postos de perigo. Os do Barallobre tiveron o marcador en contra durante todo o encontro ata que no minuto 90, Iván acadou o gol do empate. Nun partido moi igualado, os do Ramo tiveron moitas oportunidades de batir a portería contraria e ”tanto foi o cántaro á fonte que se conseguiu o tanto”.
Un tanteo que sabe a pouco para o Barallobre pois aínda que están a escasos puntos da salvación, están a xogar fronte a conxuntos do seu grupo e non chegan os resultados. O peor virá cando se vexan as caras coontra os grande.
No Ramo travesan unha mala racha e cruzan os dedos para que a sorte lles acompañe. A semana pasada sairon ao céspede sen porteiros, onte tiveron sete baixas, Noel lesionouse no nocello e non saben o que lles agarda esta fin de semana. O positivo é que tras a recuperación de Brage, agora incorpóranse Roel, Roberto.
Quedan poucas oportunidades para saír do pozo, aseguran desde a S.D. Barallobre. A vindeira cita será fronte ao Galicia de Mugardos B, un óso duro de roer.
