O actual reitor da Universidade de Vigo, Salustiano Mato, destacaba hai un ano que a ciencia "representa unha forma de cultura" á que "debe acceder calquera persoa sexa cal sexa a súa idade ou condición de traballo", no marco dunha xornada técnica celebrada na sé do Consello da Cultura Galega de Santiago.
Preto de 100 técnicos especializados en divulgación científica de museos, asociacións empresariais ou fundacións sen ánimo de lucro, analizaron en maio do 2009 as novas posibilidades e formatos que ofrece este ámbito de actuación para "achegar" os avances da ciencia e do sector de I+D+i "á maioría dos ciudadáns", co obxectivo de trasladar a súa importancia na sociedade actual. Durante a súa intervención, o director do departamento autonómico avogou pola "necesidade" de trasladar ao tecido social que "a ciencia e a cultura non son un luxo" que "parece que non se poden permitir", senon que, na su opinión, "detrás dela se atopa o progreso e a capacidade para vivir mellor". Neste sentido, recordou que "en época de crise" resultará "totalmente trascendental" que "os que se entregan a esta labor" e "están convencidos da súa importancia" incidan en "maximizar o valor dos formatos para chegar a todo tipo de xente". Por iso, Salustiano Mato describiu a xornada de divulgación científica como "un obradoiro" no que "se intercambien experiencias, apoios e ideas" para "xerar alianzas" para "proxectos de futuro" e "baixo a idea de intelixencia colectiva". Pola súa parte, o presidente do Consello da Cultura Galega, Ramón Villares, que tamén participou na xornada, apostou por unha "combinación de ciencia e cultura non excluinte" senón "integradora" para a "creación dun estado de opinión favorable na sociedade actual" e aclarou que o seu departamento "traballa nesta dirección".
