A concelleira de Benestar e Igualdade de Fene, Rita Couto, abría ás 9 desta mañán o IX Maratón de Lectura “Fene lendo mulleres” na biblioteca municipal fenesa. Diante dos alumnos e alumnas do colexio A Xunqueira, o primeiro turno en ler esta mañán, explicou o porqué do 8 de marzo e agradeceu a todos os centros escolares a sua participación.
A maratón “Fene lendo mulleres” ábríuse coa lectura do manifesto institucional elaborado este ano por unha estudante de Belas Artes, a fenesa, Antía Díaz Castro. O maratón “Fene lendo mulleres”, celébrase na biblioteca municipal “Pérez Parallé” dende as 9 da mañán ás 19.30 horas. Un total de 300 nenos e nenas leerán esta mañán no Maratón de lectura, ininterrompido, e retransmitido en directo por Radio Fusión e conducido por Almudena Marcos, dende as 10 da mañán. Pola tarde diferentes colectivos e mulleres a título individual participarán na lectura, sempre literatura de mulleres, para darlles a palabra.
