Envía a túa opinión
Non valoramos o que temos ata que o perdemos. Fala así o músico Daniel Royo á hora de explicar o nacemento do seu tema “Historia del pasado”. É unha canción de desamor, afirma o cantante, residente na actualidade en Bergondo (A Coruña) ainda que natural de Zaragoza.
Envía a túa opinión
O xuízo pola comercialización de participacións preferentes e subordinadas, tras a demanda presentada pola Fiscalía Superior de Galicia, celebrarase o próximo 19 de setembro, segundo notificou ao Ministerio Público o Xulgado de Primeira Instancia número 11 de A Coruña. Na vista, fixada para as 10.30 horas, resolverase sobre a acción de cesación na comercialización destes produtos, despois de que o xulgado inadmitise a trámite a demanda en relación ás accións de nulidade e resarcimento fronte a Caixa Galicia e Caixanova.
Envía a túa opinión
Mesmo como se fose a pantasma do Nadal pasado, hai algún que o ven buscar de novo: é o caso do relato dos coches oficiais. O secretario de Estado de Asuntos Exteriores Gonzalo de Benito confirmou que Feijóo se serviu dun coche oficial da Embaixada española en Arxentina non para os seus actos institucionais durantes as visitas ao país americano como presidente dos galegos, senón para facer campaña electoral na emigración na condición de candidato do PPdeG. Veremos se isto trae outro problema ao garaxe do presidente.
Envía a túa opinión
Os datos da enquisa de poboación activa (EPA) do primeiro trimestre de 2013 poñen de manifesto que se acelerou a destrución de emprego en Galicia. Neste período produciuse o 52,8% da perda de postos de traballo do último ano: 27.400 empregos menos nos primeiros tres meses de 2013 e 51.900 menos comparando co primeiro trimestre de 2012. Así as cousas, o número total de persoas desempregadas é de 287.400. A dinámica de emprego de Galicia é peor que a media española: a taxa de destrución de emprego no primeiro trimestre do ano foi do 2,67 % polo 1,9 % da media estatal. Isto sitúa a Galicia como a sexta comunidade autónoma con peores datos. No conxunto do Estado, os datos da EPA sitúan o paro en máis de 6 millóns de peroas, unha taxa de desemeprego do 27%.
Envía a túa opinión
O delegado do Goberno en Galicia, Samuel Juárez, considera os 'escraches' como "un acto de coacción" e cre "acertadas" as comparacións realizadas ao respecto co nazismo pola secretaria xeneral do PP, María Dolores de Cospedal, por velos similares a "como cando os nazis marcaban as casas dos xudeus". Para Juárez, un 'escrache' diante dun domicilio supón "levar esa protesta ao ámbito da vida privada dunha persoa" e "é invadir o espazo privado, o espazo de privacidade que é o domicilio, que é inviolable" e, segundo matiza, "supón un acto moitas veces de certa agresión a esa persoa, de tratar de ridiculizalo diante dos veciños e a súa familia". Así respondía nunha entrevista na Televisión de Galicia.
