Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Sábado 21 de Abril de 2018

Emisoras > Radio Culleredo

Información da emisora Novas da emisora

Presentación da gala

40 anos de teatro profesional en Galicia

Sociedade 21/03/2018
  Envía a túa opinión

O Teatro Rosalía Castro da Coruña acolle hoxe, 21 de marzo, a gala dos XXII Premios de Teatro María Casares, galardóns organizados anualmente pola Asociación de Actores e Actrices de Galicia (AAAG). Este ano, un total de nove espectáculos finalistas compiten nas 14 categorías nas que se dividen os Premios. A gala, que será retransmitida por streaming a partir das 21.00 horas na páxina web da TVG e en diferido ás 22.45 pola segunda canle da Televisión de Galicia, estará conducida por Talía Teatro, baixo a dirección de Artur Trillo e co acompañamento musical do Coro Encaixe. O elenco da gala está conformado por Toño Casais, María Ordoñez, Rubén Prieto, Marta Lado, Marta Ríos, Xurxo Barcala, Dani Trillo e Diego Rey. Ademais, durante a gala, Rosa Álvarez recibirá o Premio de Honra Marisa Soto e Aldaolado, dúo artístico formado polas poetas Lucía Aldao e María Lado, lerá o Manifesto Galego no Día Mundial do Teatro. Ademais, a ilustradora Xulia Vicente encárgase da ilustración do cartel deste ano.


A Coruña. Fantoches Baj

Maruxa Mallo, muller transgresora

Sociedade 07/12/2017
  Envía a túa opinión

Case no remate deste 2017 en que Maruxa Mallo foi a protagonista do Día das Artes Galegas, a montaxe da compañía Fantoches Baj arredor da artista chega ao Teatro Colón. A área de Cultura da Deputación da Coruña programa este venres, 8 de decembro, ás 20.30 horas o espectáculo “Mensaxe do Mar”.


Extrema urxencia

37 anos sen Lennon

Sociedade 29/11/2017
  Envía a túa opinión

Acordes pola Paz organiza un concerto solidario para conmemorar o 37º cabodano de John Lennon. Terá lugar ou venres 1 de decembro ás 22h en sala Baba Bar de A Coruña. A recadación obtida a través da venda das entradas, que custan 5€, será destinada á ONG Ecodesarrollo Gaia. Actuarán os grupos locais Bule Bule Band, César Morán e Extrema Urxencia, todos eles comprometidos coa xustiza social. Os tres grupos interpretarán, entre as súas cancións, unha peza dedicada ao ex-compoñente dos Beatles. Acordes pola Paz leva anos organizando a xa tradicional celebración do cabodano de Lennon, rendendo homenaxe a esta importante figura no mundo da música, coñecido activista social e defensor dos dereitos humanos e a paz, e colaborando á súa vez con algunha ONG que traballe a favor da xustiza e a equidade social.


Paco Souto traballando

O arte de crear cultura

Sociedade 10/11/2017
  Envía a túa opinión

O teatro Colón da Coruña acollerá este sábado 11 de novembro a  celebración da primeira homenaxe nacional ao poeta Paco Souto, nun acto interdisciplinar no que confluirán a poesía, a música e mailas artes plásticas. Baixo o título “Atesourando a palabra”, a homenaxe, organizada pola área de Cultura da Deputación da Coruña, oitos meses despois da tráxica morte do poeta, dará comezo as 20:00h e contará cun importante número de artistas, pertencentes a diferentes ámbitos culturais, reunindo a poetas e creadores que formaron parte do universo creativo de Paco Souto, e que mantiveron unha estreita relación, persoal e profesional, co poeta.


Angel Luís Hueso

A revolución rusa e o cine

Sociedade 30/10/2017
  Envía a túa opinión

A Real Academia Galega de Belas Artes (RAGBA) celebrará mañá martes, día 31, a terceira conferencia do “Ciclo Construtivismo” sobre a arte da Revolución Soviética, que este ano celebra o seu centenario. A charla versará sobre “Crear unha linguaxe: Revolución e cine” e estará impartida polo catedrático de Historia do Cine da Universidade de Santiago e académico da sección de Artes da Imaxe da Real Academia Galega de Belas Artes, Ángel Luis Hueso Montón. Esta actividade, que forma parte da iniciativa “Martes das Artes”, celebrarase ás 20:00 horas na sede da institución (praza Pintor Álvarez Sotomayor, 1. A Coruña).

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -60 -61 -62 -63 -64 -65 -66 -67 -68 -69 -70 -71 -72 -73 -74 -75 -76 -77 -78 -79 -80 -81 -82 -83 -84 -85 -86 -87 -88 -89 -90 -91 -92 -93 -94 -95 -96 -97 -98 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros