Envía a túa opinión
A directora Isabel Coixet encóntrase rodando en Celanova a súa película " Elisa e Marcela". Onte recibíu a visita do conselleiro de Cultura, Román Rodríguez, xa que o film, producido pola galega Zenit Televisión, S.A., conta co apoio da Consellería, 240.000 euros concedidos a través da convocatoria de subvencións a producións e coproducións audiovisuais de contido cultural galego na súa convocatoria de 2017. Trátase da liña de maior contía de todas as axudas públicas dirixidas ao sector do cinema e a Televisión en Galicia.
Envía a túa opinión
Para ambientarse, pode o viaxeiro sentar nas mesas do café ciscadas entre as columnas do patio e ler o relato Xeque- Mate de Méndez Ferrín que recrea un sarau liceísta celebrado en 1840 no espolón da Praza Maior antes de que a institución se trasladase á sede actual, onde segue alumeando con luz belida e azul de carburo a cultura local (…). Velaquí a descrición dunha noite entre as noites máis doces do século antepasado en Ourense:
Envía a túa opinión
Sobre as perspectivas dun modelo cambiante debateráse este xoves, 3 de maio no Consello da Cultura Galega (Santiago de Compostela). A xornada, organizada pola Sección de Lingua e Comunicación do Consello, está coordinada por Xosé López García, Xosé Ramón Pousa e Dolores Vilavedra.
Envía a túa opinión
Ribadavia acolle unha conferencia na que se analizará a temperá presenza de viño no Reino Suevo de Galicia. O historiador, Luis Congil, analizará a relación do viño galego e a literatura universal. O repaso polos asentos documentais das referencias ó viño galego deterase especialmente nun documento xudicial de transcendencia histórica, o denominado "Testimonio ou Pesquisición de Salaya", na que un enviado dos Reis Católicos realiza unha comisión de investigación sobre os conflitos de Cristóbal Colón cos primeiros habitantes occidentais de América, e no que se descubre que o primeiro viño cuxo consumo está documentado no novo continente procedía do Ribeiro.
Envía a túa opinión
Martiño chega a Galicia sobre o ano 550. Propiciará a rápida reconversión do reino galego ao catolicismo (559). A monarquia galega fortalécese, resaltando a figura do rei co apoio da Igrexa. Os concilios bracarenses celebrados nos anos 561 e 572 constitúen senllos fitos na organización do reino, o cal se divide en dioceses e parroquias, como reflicte o Parrochiale Suevum. Refléxase na exposición In tempore sueborum. O tempo dos suevos na Gallaecia (411-585) Pódese visitar en Ourense ata o 6 de maio.
