Envía a túa opinión
Rexenerar a superficie queimada e protexer as zonas que se salvaron do lume, semellan ser os máis inmediatos obxectivos das administracións no Parque Natural das Fragas do Eume. As actuacións deben implicar aos propietarios das terras e escoitar as opinións de ecoloxistas e expertos en medio ambiente. Somentes así se garantirá o futuro dun espazo de incalculable valor ecolóxico pero tamén dun importante valor simbólico. As fragas foron refuxio dos combatientes pola liberdade, permitiron a subsistencia de moitos guerrilleiros antifranquistas.
Envía a túa opinión
O vento sopra frouxo do nordés,, as nubes cubren o ceo e iso parece positivo para a evolución do incendio nas fragas do Eume. Efectivos da UME retomaron a primeira hora desta mañá as tarefas de extinción do lume en Monfero. Na Capela as lapas están controladas. A policia científica busca as pegadas das persoas que provocaron o incendio desatado na tarde do sábado.
Envía a túa opinión
As redes sociais chaman a movilizarse en defensa das fragas do Eume. Reclámase investigación sobre as orixes do lume, sobre a súa hipotética relación co proxecto de construción dunha mina de andalucita en Goente e arredor dos medios dispoñibeis para combater os incendios forestais. As concentracións desenvolveránse nas cidades galegas este luns ás 20,30 horas.
Envía a túa opinión
A 'Plataforma en defensa das Fragas do Eume' constituirase este luns no Concello de Pontedeume co obxectivo de defender este espazo declarado parque natural en 1997. Os impulsores apelan a todas as persoas "sensibles" co "desastre ecolóxico" derivado do incendio forestal que atacou o corazón deste singular bosque atlántico.
Envía a túa opinión
Unha inmensa nube de fume gris cubre o parque natural das fragas do Eume. Os veciños e veciñas da Capela xa volveron ás súas casas. Alí o lume está controlado, pero continua activo en varios puntos do concello de Monfero. O presidente da Xunta Alberto Núñez Feijoo visita a zona afectada, acompañado dos conselleiros de Infraestructuras Agustín Hernández e do Medio Rural Rosa Quintana.O alcalde da Capela denuncia "erros de coordenación" nos labores de extinción.
