4 comentario/s - Envía a túa opinión
Numerosas peñas de xovenes encheron de animación e música dende primeiras horas da mañá as rúas céntricas de Ribadeo. Celébrase a Xira de Santa Cruz nos arredores do Monumento ao Gaiteiro, unha homenaxe única en Galicia, inaugurado en 1965. Os grupos Brisas do Landro, La Amistad de Gijón, Aires de Valdés, Airiños do Xunco e Amigos da Gaita realizaron pasarruas ás once da mañá.
6 comentario/s - Envía a túa opinión
Burela coloca, un ano máis, ao seu “príncipe azul” no trono que lle corresponde. Este concello da Mariña lucense acolle mañá sábado a vixésimo quinta edición da Festa do Bonito e, paralelamente á exaltación do seu produto estrela, pon en marcha tamén Produart, unha feira destinada a promocionar a produción artesanal e ecolóxica. A tenente alcalde da vila, Neves Cando, explicou a Radiofusiòn que ambas citas coinciden no calendario porque a pesca do bonito de Burela diferenciase, en contraposición ás prácticas doutras épocas ou países, polo seu respecto medioambiental.
6 comentario/s - Envía a túa opinión
O 26 de xullo de 1909 comezan os sucesos coñecidos como a Semana Tráxica de Barcelona. A protesta popular contra a chamada a filas dos reservistas para a guerra de Marruecos inicia unha revolta que tomará un forte cariz anticlerical. O motín finalizará coa execución de 5 persoas (entre elas o pedagogo Francesc Ferrer i Guardia) e con milleiros de detidos. Aos poucos meses o presidente do Goberno o ferrolán José Canalejas nomeará gobernador civil de Barcelona ao galego Manuel Portela Valladares coa principal finalidade de pacificar a capital catalana.
1 comentario/s - Envía a túa opinión
A Consellería do Mar presentou hoxe en Burela a campaña do etiquetado do bonito do norte para esta tempada. Leva por título Faino Bonito e permite dar a coñecer aos consumidores a procedencia, a data de captura e as propiedades de cada peixe no momento da súa adquisición nas peixerías. Esta identificación ten por obxecto garantir o seguimento e a trazabilidade dende a captura dos exemplares en alta mar –realizada pola flota que faena en augas do Cantábrico mediante artes tradicionais- ata a chegada do peixe ao consumidor.
3 comentario/s - Envía a túa opinión
A Asociación para a Recuperación da Memoria Histórica comezou os traballos de procura e posterior exhumación dunha fosa situada na parte exterior do cemiterio da parroquia de Argomoso, no concello de Mondoñedo.
