Envía a túa opinión
En 1961 e recén chegado a Vigo, o escritor Álvaro Cunqueiro publicaba unha das suas novelas cumio:"Si o vello Sinbad volvese ás illas". Cincuenta anos despois e na mesma cidade, o fabuloso personaxe salta á gran pantalla. O Museo do Mar de Vigo acolleu esta semana a primeira exhibición da adaptación ao cine da obra. Este venres 28 de outubro chega áos cines das cidades galegas. O protagonista da longametraxe (coproducida por TVG e Ficción Producciones), é Xosé Olveira "Pico" .
Envía a túa opinión
Chega a Ferrol a mostra "No niño novo do vento. Cen anos de Álvaro Cunqueiro", conmemorativa do centenario do ilustra escritor galego. Inaugúrase o venres 28 de outubro, ás 12:30 h, no Centro Cultural Carvalho Calero. Unha escolma das creacións literarias e xornalísticas, a recreación do estudio onde traballaba con figuras a tamaño natural dos personaxes de “Merlín e familia” e documentais, forman parte do contido desta exposición
Envía a túa opinión
Organizada polo Concello de Narón, Aldea Nova, e a colaboración da Asociación Gallega de Apicultura, chega este domingo á comarca a Feria do Mel e os Productos Ecolóxicos na sua undécima edición.
As instalacions municipais da Feria do Trece albergarán a máis dunha treintena de productores ecológicos chegados de todolos recunchos de Galicia, que exhibirán e venderán verduras, legumes, froitas, lácteos, ovos, carnes, doces, mel, algas ou cosméticos, segundo, Manuel Martínez, da xerencia de Aldea Nova.
Envía a túa opinión
Depuración da ría, Xa. Queremos traballar. Non aos verquidos na ría. Depuración, Xa. Ese era o texto de duas pancartas que esta mañá apareceron nas portas da Casa do Concello de Narón. Xunto cos lemas reivindicativos, lama da ría e cascas de mexillóns, nunha nova acción de protesta dos mariscadores. Diante do anuncio da Consellería de Pesca do remate dos labores de limpeza dos fondos da ría, a xente do mar anuncia novas movilizacións. Aseguran que irrumpirán na campaña electoral do Partido Popular.
Envía a túa opinión
As salas Dúplex, situadas no barrio de Esteiro, acollen esta noite a segunda xornada das tres que inclúe a programación de “Outono de Cine”, organizado pola Concellería de Cultura do Concello de Ferrol. Se o mércores da semana pasada o ciclo estivo dedicado ás curtametraxes galegas, hoxe tócalle a quenda a curtas feitas por autores ferroláns.
