Envía a túa opinión
Máis de 240 clubs de alterne e 323 pisos de contactos en Galicia. Esas son algunhas das cifras da prostitución na comunidade galega, un servizo ao que recoñecen recorrer habitualmente máis do 30% dos españois e que frecuentan cada día 1,5 millóns de homes a nivel nacional. Un consumo masivo de sexo de pago que é un "claro síntoma dunha cultura afectivo-sexual hexemónica" na que a educación queda relegada en moitos casos a películas pornográficas "cun erotismo baseado na humillación da muller". Estas son algunhas das conclusións que as investigadoras Águeda Gómez, Silvia Pérez e Rosa María Verdugo recollen agora no libro El putero español (Editorial Catarata), no que publican os resultados dunha análise a nivel nacional sobre "as motivacións que leva aos clientes a consumir prostitución a través das explicacións que eles mesmos daban", como explica Gómez, profesora do departamento de Socioloxía, Ciencia Política e da Administración e Filosofía da Universidade de Vigo.
Envía a túa opinión
O Xulgado de Cambados fixará nas vindeiras semanas a data do xuizo ao presidente da Deputación de Pontevedra Rafael Louzan. Os cargos refírense ao aluguer duns baixos comerciais en Vigo. O concelleiro en Pazos de Borbén e deputado provincial polo Partido Popular Severino Reguera alugoulle a Louzan uns baixos en 2008. Segundo o fiscal de Delitos Económicos de Pontevedra Augusto Santaló, na citada operación advertiuse un sobreprezo con respeito aos baixos do entorno. O presidente da Deputación recibe 15 euros o metro cadrado, cando un informe da Garda Civil situa os prezos medios na zona naquela data en 7 euros o metro cadrado. Se facemos caso ao citado informe, Louzan tería recibido nestes oito anos máis de 50.000 euros a maiores do aluguer, sen xustificar. En 2013 a Xunta de Galicia puxo en aluguer uns baixos na zona, ao prezo de 5 euros o metro cadrado.
Envía a túa opinión
Un operario dunha empresa de xardinería faleceu esta mañá tras precipitarse dunha árbore cando realizaba un traballo de poda. Segundo informou o 112, o suceso tiña lugar sobre as 9,00 horas deste martes, segundo informa Radio Redondela.
Envía a túa opinión
“En galego, é de xustiza” era o lema dunha campaña desenvolvida hai anos para normalizar o uso da lingua propia na administración de Xustiza. Por máis memorable que sexa esa mensaxe, o certo é que a eficacia desa propaganda non foi moita. Ao igual que acontece noutros eidos da vida cotiá, o galego é un idioma minorizado en todo o que ten a ver cos asuntos da lei, o seu ordenamento e a súa aplicación. É por iso que cómpre lembrarmos aquelos fitos que demostran que o noso é un idioma apropiado para calquera cousa, tamén para facer xustiza. O primeiro documento xurídico redactado en lingua galega foi o Foral de Castro Caldelas, datado en 1228. Durante tres séculos producíronse outro textos legais até que chegou o tempo da escuridade para a lingua. Terían que pasar uns 450 anos até que o 27 de marzo de 1985 a Sala do Contencioso Administrativo da Audiencia Territorial da Coruña, formada polos maxistrados Claudio Movilla, Ricardo Leirós e Gonzalo de la Huerga emitía unha sentenza redactada en galego, abrindo un novo tempo de posibilidades para a nosa lingua na xustiza. No litixio que motivou aquela sentenza era parte o Concello de Redondela e alí vaise conmemorar esta tarde o 30 aniversario dunha sentenza histórica, non polo seu obxecto, mais si pola súa forma.
Envía a túa opinión
A directora de Turismo de Galicia, Nava Castro, presentou onte en Madrid a nova campaña ‘Vinos y Camelias’, unha iniciativa da Xunta de Galicia, en colaboración coa D.O Rías Baixas e Turismo Rías Baixas, que combina dous grandes reclamos turísticos consolidados na nosa comunidade: a Ruta da Camelia e a Ruta dos Viños Rías Baixas.
