Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Mércores 18 de Xullo de 2018

Emisoras > Radio Arzúa

Información da emisora Novas da emisora

Logotpo de Fiare Galicia

A Banca Ética móvese en Galicia

Sociedade 18/01/2013
  Envía a túa opinión

O sábado 19 de xaneiro, a casa común dos Tilos en Teo acollerá  a Asemblea da Asociación de promoción da Banca Ética FIARE Galiza. Neste tempo de desafiuzamentos, preferentes e crise financeira, alternativas de banca ética como Fiare van gañando espazo na sociedade, e Galicia non quedou fóra desta tendencia.


Cartel da IX Edición da Feira Ecolóxica de Arzúa

Terractiva demostra que a ecoloxía pode resistir aos recortes

Sociedade 15/11/2012
  Envía a túa opinión

Hai moitas maneiras de retratar os tempos da austeridade e os recortes. Unha delas é repasar o calendario de eventos e feiras, que adelgaza irremediablemente dun ano para outro. A falla de apoios provoca baixas irrecuperables na programación de actividades. E porén, contra prognóstico e malia a diminución de achegas, hai citas que resisten e volven puntualmente ao noso almanaque. É o caso da Feira Ecolóxica de Arzúa, que durante oito edicións converteuse na cita senlleira do sector e que vai celebrar a súa novena convocatoria este sábado e domingo no Recinto Feiral Terra do Queixo. “Case se rescatou no último momento grazas ao Concello”, explicou en Radiofusión o responsable de Culturactiva, a empresa xestora, Manuel Vicente. Así as cousas, si haberá Terractiva 2012, desta volta “unha edición máis sinxela, pero o importante é que non se deixe de facer”, avanza o encargado. Con todo, seguirá a ser un escaparate para os produtos naturais, as terapias alternativas, a innovación dende o tradicional e a promoción dos produtores locais.


O evento continúa malia os recortes orzamentarios

Arzúa aposta un ano máis pola maior feira ecolóxica de Galicia

Sociedade 09/11/2012
  Envía a túa opinión

Os días 17 e 18 de novembro celebrarase en Arzúa unha nova edición da maior feira ecolóxica de Galicia. A pesar de non contar, por primeira vez, co financiamento da Deputación da Coruña, o Concello decidiu continuar co evento. Así, os produtos naturais, os máis innovadores, as terapias alternativas e as produtoras e produtores locais -das feiras do 8 e 22- encherán o Recinto Feiral Terra do Queixo. As solicitudes para contar cun stand na IX edición da Feira Ecolóxica de Arzúa superaron en poucos días o límite de espazo físico da sede, o que asegura o “éxito” do evento, afirma o responsable de Culturactiva SCG, empresa xestora da Feira, Manuel Vicente. O público que asista terá ao seu dispór máis de trinta postos de diversos produtos e servizos naturais.


O colectivo ecoloxista homenaxeará tamén a Xosé Reigosa

Verdegaia recoñece co premio Semente os traballos a prol da soberanía alimentar

Sociedade 23/09/2012
  Envía a túa opinión

Verdegaia decidiu recoñecer, co seu premio Semente, ás persoas e colectivos que traballan a prol da soberanía alimentar e sinalar negativamente, co Cemento, as empresas e institucións que se atopan detrás dos proxectos de fumigación dos montes. Os Semente-Cemento son galardóns outorgados pola base asociativa deste colectivo ecoloxista para destacar as actuacións que consideran máis relevantes do ano en relación ao medio, tanto no positivo como no negativo. O acto de entrega terá lugar este domingo en Santiago.


Imaxe de persoa amputada

Andade promove por primeira vez en Galiza unha xornada destinada a persoas amputadas

Sociedade 13/09/2012
  Envía a túa opinión

O vindeiro día 22 de setembro terá lugar, por primeira vez en Galicia, a “Xornada demostrativa de portas abertas para amputados/as galegos/as” en Lestedo- Boqueixón, no Restaurante Vía da Prata, sito na rúa de Pazos, nº 16, en horario de 9:30, a 16:00. Nesta xornada, promovida pola asociación ANDADE, a empresa OTT.BOCK Ibérica presentará as últimas novidades en próteses, e dará resposta ás preguntas e inquedanzas dos amputados/as alí presentes.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros