Envía a túa opinión
A campaña de extracción de ameixa da ria de Ferrol rematou este mediodia. As capturas de ameixas recuperaronse nestes últimos dias rondando en Barallobre os 300 quilos diarios. O prezo medio da ameixa situouse en 16 euros, con mínimos en 13 e máximos de 18. A ampliación das zonas C nas que non se pode sacar o bivalvo para a venda directa, obrigou a prohibir o marisqueo nas zonas de praia. Tamén o banco das Pias veuse afectado por esta medida. Os 75 mariscadores de a flote da confraria de Barallobre faenaron entón na zona situada entre os Castelos, o porto do Seixo e a punta dos Castros. O pósito continua tamén comercializando con bos resultados a zamburiña da ría. Vendese ao prezo de 7 euros o quilo.
Envía a túa opinión
A xunta de Galicia comunicoulle ó consello de administración de Reganosa a intención de transferir o seu dereito de tanteo a calquera empresa galega que se interese na adquisición do 15% do capital da regasificadora que Caixanova e Caixagalicia poderían vender en breve. A Xunta mostrou o seu interese en que a titularidade da empresa de Mugardos se manteña en mans galegas, polo que pretende que o dereito de tanteo poida ser aplicada non só á Xunta, senón tamén a calquera empresa galega que intente adquirir o capital en venda. O dereito de tanteo permite que aqueles socios que quedan no consello de administración no momento en que outro socio venda accións, poidan adquirir de xeito preferencial o capital que se poña á venda. Desde o goberno galego aseguran que están traballando para que o 15% de accións de Caixanova e Caixagalicia queden no país, evitando deste xeito que poderían pasar a mans australianas, segundo as primeiras informacións que se manexaron.
Envía a túa opinión
A regasificadora de Mugardos, Reganosa, camiña cara á perda da súa galeguidade. Caixa Galicia e Caixanova decidiron xa a súa saída do accionariado da planta de gas da ría de Ferrol. Seguen así as pegadas de Endesa e do Banco Pastor, que fixeron o propio hai dúas semanas. Onte os representantes das caixas no consello de administración da firma comunicaron a súa marcha ao resto de accionistas. A Xunta de Galicia quere manter a capitalidade galega da planta de gas de Mugardos e está a tantear ao empresariado galego para que se faga con parte das accións en venda.
2 comentario/s - Envía a túa opinión
A billarda é un xogo popular que como tantos, por pobre, estivo desaparecido desde hai medio século. Con dous paus pódese conseguir divertimento a esgalla, precisión, habilidade e relacións. Agora é Galiza Nova de Fene quen quere introducir este deporte popular e axeitado para disputar ao aire libre, no concello fenés coa axuda da xente de Cabanas que leva xa unha tempada promocionándoo.
Envía a túa opinión
Mañá inaugurarase a canceira do Concello de Ferrol, que acollerá a 40 cans e tamén cabalos. O proxecto, que comezou hai 8 anos, pasou por diferentes gobernos municipais, e a pesar de que está rematado desde o 2003 a súa apertura non se produciu ata agora, xa que nun primeiro momento esta construción fora rexeitada por falta de luz e auga propias. Chegouse incluso, a plantexar a posibilidade de construir outra canceira noutro punto do Concello e deixar estas instalacións para unha planta de reciclaxe. Agora, a un día da inauguración, o concello non descarta que o número de cans atendidos ascenda de xeito considerable, superando en breve os 15 que están sendo atendidos polo Concello nunhas dependencias cedidas pola Armada.
