Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Domingo 15 de Xullo de 2018

Emisoras > Radio Arzúa

Información da emisora Novas da emisora

Abella polinizando

A produción de mel mantense estable

Sociedade 03/08/2012
  Envía a túa opinión

A produción etiquetada de Mel de Galicia permaneceu estable nos últimos anos. Rexístrase un pequeno descenso no número de apicultores pero medran as colmeas e a produción. Iso a pesar das advertencias dos apicultores das consecuencias dañinas para as abellas das fumigacións xeneralizadas. No 2007, 410 apicultores con 30.952 colmeas producian 304 toneladas de mel etiquetada coa Indicación Xeográfica Protexida. No 2010, 392 apicultores con 32.419 colmeas venderon 363 toneladas.


Xosé Manuel Beiras

Beiras: "Chegou a hora da República"

Sociedade 15/07/2012
  Envía a túa opinión

Un discurso de Xosé Manuel Beiras serviu de colofón -ao fío da medianoite- da asemblea constituinte de Anova - Irmandade Nacionalista, formación que pretende diferenciarse do mapa político existente, construindo unha forza na que prime a horizontalidade e a participación. O cónclave, reunido no Pazo de Congresos de Santiago de Compostela contou coa presencia de máis de 500 persoas que interviron activamente nuns prolongados debates.


Sesión da asemblea de ANova Irmandade Nacionalista

Xurde Anova Irmandade Nacionalista

Sociedade 14/07/2012
  Envía a túa opinión

"A mobilización da cidadanía é a que pode romper con toda esta morralla que nos esmaga" manifestou Xosé Manuel Beiras no acto de constitución de "Anova Irmandade Nacionalista". A asemblea elexiu ese nome nunhas sesións que comezaron a primeira hora da mañá no Pazo de Congresos de Santiago de Compostela.


Francisco Xosé López e María Dolores Candedo

Ferramentas para dar escola en galego

Sociedade 10/07/2012
  Envía a túa opinión

A cooperativa popular de ensino Avoaescola comeza cos seus primeiros pasos como ferramenta para dar escola en galego. Esta mañá, a asociación Galiza co galego -impulsora da cooperativa- asinou un convenio de colaboración coa entidade pedagóxica Nova Escola Galega.


Cardeal Gomá, primado da Santa Sé durante a Guerra Civil española

Gomá e o transfundo da Guerra Civil: “En Roma non nos entenden”

Sociedade 08/07/2012
  Envía a túa opinión

Un dos documentos máis relevantes da historia recente do episcopado español cumpriu 75 ano a pasada semana. Os bispos españois subscribiron con data do 1 de xullo de 1937 a carta colectiva a prol do alzamento militar das tropas de Franco. O encargo dese texto asumiuno o primado da Santa Sé en España, o cardeal Isidro Gomá y Tomás. O sacerdote ao que se deu en considerar un dos artífices do nacional-catolicismo español, non só gardou ese documento, senón moitísimos outros custodiados en Toledo e que veñen de ser editados e recompilados nunha monumental obra bibliográfica de 13 volumes co título “Archivo Gomá. Documentos de la Guerra Civil”. O traballo,que permite unha achega aínda máis detallada ao conflito e os seus efectos posteriores, foi presentado xa en Roma e Madrid, e chegou agora a Galicia. Un dos seus coordinadores, o investigador do CSIC Antón Pazos, explicou en Radiofusión que nos papeis consultados advírtese a tensión, durante a guerra, “entre os que querían facer un Estado de corte fascista, con influencias nazis, e os que querían un máis tradicional católico, á fronte do cal estaría o cardeal Gomá”. Pazos sintetiza así o pensamento da curia española supervisada polo relixioso catalán fronte ás críticas internacionais á “cruzada” franquista : “A mentalidade de Gomá era sempre:  'En Roma non nos entenden'”.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros