Publicidade Radio Fene
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Sábado 21 de Xullo de 2018

Emisoras > Radio Arzúa

Información da emisora Novas da emisora

Actuación de Björk en Marrocos

Única oportunidade de ver a Björk en Galicia

Sociedade 19/06/2012
  Envía a túa opinión

Björk regresou este venres aos escenarios coa súa voz totalmente recuperada e ofrecendo un vibrante concerto,un anticipo do espectáculo que ofrecerá o vindeiro día 22 a partir das 22:30 horas na praza exterior da Cidade da Cultura de Galicia. Tras verse obrigada a suspender a súa xira por problemas na súa voz, o esperado regreso da artista islandesa tivo lugar este venres no Festival de Músicas Sacras celebrado en Fez (Marrocos) onde volveu dar mostra do poderío dunha voz tan única como particular, que acompañou dun coro formado por trece persoas e un completo espectáculo visual e sensorial que trasladará o 22 de xuño á Cidade da Cultura de Galicia.


Loaira

O son novo e versátil de Loaira

Sociedade 12/06/2012
  Envía a túa opinión

Clara Pino (arpa celta e voz), Rubén Abel (guitarra) e Roi Adrio (percusións) achegan a súa destacada bagaxe profesional, tanto no ámbito da música clásica como no da folk, a un proxecto conxunto no que apostan pola música de autor e pola procura de sons novos e versátiles que, porén, beben directamente da música tradicional galega. Deste xeito e partindo das raíces, o trío ofrece unha mestura de ritmos e melodías que van desde o swing ata a bossa nova, pero recalan tamén na música de reelaboración en temas como Alalá do vikingo. Este xoves actuan no Salón Teatro de Santiago de Compostela.


O encontro celebrarase na Facultade de Filoloxía

Expertos internacionais analizarán en Santiago o concepto de identidade

Sociedade 09/06/2012
  Envía a túa opinión

Máis de cen académicos procedentes de 22 países reuniranse a vindeira semana en Compostela para ofrecer unha análise sobre o concepto da identidade e debater arredor do papel que as relacións entre linguaxe e sociedade xogan na formación e expresión desa identidade. O grupo de investigación Discourse and Identity -liderado polo profesor do Departamento de Filoloxía Inglesa e Alemaña Manuel Barbeito Varela- celebrará entre o mércores e o venres a 1st International Conference on the Discourse of Identity.


O ciclo, que arrinca o luns no Gaiás, mestura música, humor e gastronomía

Músicos que camiñan “a contracorrente” inauguran os Seráns do TAC

Cultura 19/05/2012
  Envía a túa opinión

Humor, música e gastronomía son os ingredientes da segunda edición de Os Seráns do TAC, un ciclo que busca introducir ao público na música contemporánea dun modo festivo e ameno. Neste proxecto, que arrinca o luns na Cidade da Cultura, o repertorio de figuras como Varese, Schoenberg ou Cage interpretado polos músicos do Taller Atlántico Contemporáneo combinarase coa estrea de obras de compositores galegos como Eduardo Soutullo ou Raquel García. As cinco sesións estarán introducidas en clave de humor polos actores Quico Cadaval e Carlos Blanco e o músico Julián Hernández (Siniestro Total). Tras os concertos, cinco restaurantes –Abastos 2.0, Eirado de Leña, Pepe Solla, Culler de Pau e Yayo Dacosta– ofreceranlles aos asistentes unha tapa de cociña contemporánea a partir de produtos da nosa xeografía.


A “Fotobiografía” inclúe máis dun cento de imaxes do homenaxeado no Día das Letras

Ouvirmos amosa o álbum privado de Paz-Andrade

Cultura 12/05/2012
  Envía a túa opinión

“O único que lle faltaba era pintar”, asegura Miguel Anxo Seixas Seoane en relación á poliédrica figura de Valentín Paz-Andrade. Resumir a vida dun home que foi avogado, poeta, xornalista, político e empresario foi o reto que enfrontou na Fotobiografía que arredor do homenaxeado no Día das Letras edita Ouvirmos. Acompañan os seus textos máis dun cento de imaxes do álbum familiar do pontevedrés no que o podemos ver encadeado no franquismo, ferido por cinco tiros tras mediar nunha folga na República ou reunido con importantes políticos de distintos puntos do planeta.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros