Publicidade Radio Fene
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Sábado 21 de Xullo de 2018

Emisoras > Radio Allariz

Información da emisora Novas da emisora

Dous exemplares de porco bravo faleceron no sinistro

Feijóo sae ileso tras embestir o seu coche a dous xabaríns

Sociedade 09/11/2011
  Envía a túa opinión

“Se non chegamos a levar un coche grande houbéramos tido un problema peor”. Son declaracións do presidente da Xunta, Alberto Núñez Feijóo, recollidas por La Voz de Galicia esta mañá nunha conversa informal que o líder do PPdeG mantivo cos xornalistas tras coñecerse que saíu ileso dun accidente de tráfico rexistrado onte á noite e no que o coche no que viaxaba levou por diante a dous xabaríns. O vehículo electoral que transportaba a Núñez Feijóo de Verín a Santiago tras participar nun acto de campaña atopouse cos porcos bravos no medio da estrada á altura do quilómetro 63 da autovía Santiago-Ourense, pouco antes de chegar ao termo pontevedrés de Lalín.


Olga Gallego

A paixón de Olga Gallego Domínguez polos arquivos

Sociedade 29/10/2011
  Envía a túa opinión

O Consello da Cultura Galega homenaxeou a memoria e o dilatado labor profesional da arquiveira, historiadora e académica Olga Gallego Domínguez (Ourense, 1923-2010). Unha xornada incluída no ciclo “Mulleres e historia”, organizada pola Comisión de Igualdade, analizou a súa obra e o seu legado, ao tempo que chamaba a atención sobre “o labor de tantas mulleres que sostiveron e sosteñen o sistema de arquivos e bibliotecas públicas”. A sesión foi presentada por Ramón Villares, presidente da institución, e por María Xosé Agra Romero, coordinadora da Comisión de Igualdade e organizadora do programa, que coordinaron Carmen Pérez Pais e Concepción Varela Orol.


O conselleiro de Medio Rural na tribuna do Pazo do Hórreo

Os tres grupos coinciden en que Juárez debe volver ao Parlamento para revisar o balance dos lumes

Sociedade 23/10/2011
  Envía a túa opinión

Agora que o lume comeza a apagarse e os prognósticos meteorolóxicos apostan pola entrada paulatina da borrasca, chega o momento de revisar o balance da campaña de loita contra os incendios forestais que, cando hai tres semanas o conselleiro de Medio Rural, Samuel Juárez, comparecía no Parlamento, semellaba satisfactorio. Daquela, a superficie de monte arrasado resultaba inferior á media dos últimos dez anos, pero co que non se contaba era que o peor do verán chegase ben entrado xa o outono. Antes de que os datos científicos concreten a magnitude da catástrofe no medio, hai voces que prefiren non agardar e achegan unha valoración que fala por si mesma: os pasados quince días de outubro supoñen o maior desastre ecolóxico en Galicia dende o “Prestige”. Os voceiros de Montes dos tres grupos parlamentarios autonómicos defenderon en Radiofusiòn a pertinencia dunha nova comparecencia do conselleiro Juárez no Pazo do Hórreo para achegar un novo balance.


O xamón, logotipo que representa a compra de favores

Xosé Dorrío (AVC): “O cidadán espera que Baltar lle faga un favor algún día”

Sociedade 20/10/2011
  Envía a túa opinión

Non puido ser nun salón de actos da Deputación de Ourense, nin tampouco no de Novacaixagalicia, que responderon ora alegando problemas de axenda, ora mediante o silencio administrativo. Así que será finalmente o venres 28, no Ateneo da cidade das Burgas, cando se celebre a asemblea constituínte da Asociación de Vítimas do Caciquismo (AVC), un colectivo que pretende restituír os dereitos dos afectados polo uso espurio da política sacando á luz, con nomes e apelidos, aos protagonistas e beneficiarios das tramas de nepotismo na administración galega, nomeadamente na propia institución provincial. O promotor do colectivo, Xosé Dorrío, explicou en Radiofusiòn que el mesmo foi vítima do caciquismo: “Presenteime a postos na Deputación sabendo que non eran para min e o nome das persoas que ían gañar eses postos”. “Acertei todas”, revela


Case duascentas cintas proxéctase na Cidade das Burgas ata o día 23

Ourense renova o seu compromiso co cinema

Cultura 15/10/2011
  Envía a túa opinión

Catherine Deneuve, Gerard Depardieu, Federico Luppi, Chloe Sevigny, Ernesto Sevilla, Ricardo Darín, Pilar Punzano, Elsa Pataky, Luís Tosar... Son algúns dos rostros que poderemos ver en pantalla grande, ata o día 23 deste mes de outubro, no marco do Festival de Cine Internacional de Ourense (OUFF). Case duascentas cintas compoñen o programa deste evento, que na súa décimo sexta edición preséntase cun lema que reclama a implicación e participación do público: Tócache!

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -60 -61 -62 -63 -64 -65 -66 -67 -68 -69 -70 -71 -72 -73 -74 -75 -76 -77 -78 -79 -80 -81 -82 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros