Publicidade Radiofusión
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Luns 22 de Xaneiro de 2018

Emisoras > Radio Allariz

Información da emisora Novas da emisora

O son fresco e enérxico da banda converte os seus directos nunha verdadeira festa

Dry Martina debuta en Galiza con “Musarañas”

Sociedade 19/05/2011
  Envía a túa opinión

Dry Martina nacen en 2003, cando Laura Insausti decídese reinventar como Dry Martina, aprender do jazz vocal e xirar cunha banda de versións de swing mentres compón xunto a Rafa Insausti o que será o seu álbum de debut. Conseguen facer da música un medio de vida e atesouran centos de concertos ás súas costas. “Canciones para tararear en la ducha” (2007) foi a súa primeira demo, coa que captaron a atención de discográficas e managers, e o comezo dun proceso creativo que quedará reflectido no seu esperado primeiro disco que verá a luz en 2011 e do que xa temos un adianto en formato Ep de catro temas e videoclip co single “Musarañas”.


O lume de Bande desatou a controversia

A oposición acusa á Xunta de falsificar os datos reais dos incendios forestais

Institucional 18/05/2011
  Envía a túa opinión

Este ano a tradicional lea política arredor dos datos dos incendios forestais prendeu cedo. Xunta e oposición acúsanse mutuamente de mentir sobre os datos da superficie forestal calcinada no que vai de ano e que ten no incendio do concello ourensán de Bande, iniciado logo dunha queima preventiva feita por servizos do Goberno, o principal foco de conflito. O director xeral de Montes, Tomás Fernández-Couto, asegurou en comisión parlamentaria que, durante os meses de xaneiro e febreiro arderon 1.300 hectáreas de monte en Galicia por mor de 392 lumes, un dato mellor que o doutros anos, salientou. Non obstante, o seu balance non achegaba cifras sobre marzo e abril, cando se rexistrou a maior actividade incendiaria.


Unha invitación coas siglas do PP convida aos cativos a un acto lúdico

Os socialistas de Xinzo denuncian a aldraxe do PP no Día das letras Galegas

Institucional 16/05/2011
  Envía a túa opinión

Os socialistas de Xinzo denuncian a actuación partidista do Partido Popular no día das Letras Galegas, convidando aos nenos e nenas a un acto lúdico cunha invitación co anagrama do PP que foi distribuida nos centros de ensino de Xinzo. Ante a falta de programa cultural por parte do alcalde e do Grupo de Goberno que dirixe, utiliza o día das Letras Galegas para facer propaganda electoral, “confundindo coma sempre onde empeza a institución e onde empezan as siglas políticas ás que serven”, engaden os socialistas. 


Segundo o senador nacionalista o numero de censados multiplicouse sospeitosamente

Xosé Manuel Pérez Bouza declara sobre a suposta manipulación do censo de Xinzo de Limia

Institucional 10/05/2011
  Envía a túa opinión

Coa campaña electoral en marcha, a suposta fraude dos censos electorais chega por vez primeira á Xustiza. A Fiscalía de Ourense admitiu a trámite as denuncias formuladas polo BNG relativas á 122 empadroamentos irregulares rexistrados no concello de Xinzo de Limia. Un mes máis tarde de que se dese a coñecer o caso, reclamouse a presenza do senador nacionalista Xosé Manuel Pérez Bouza, que terá que prestar declaración mañá martes verbo da suposta manipulación do censo da vila ourensá, gobernada polo popular Antonio Pérez. A testemuña avanzaba nesta xornada que vai achegar datos novos sobre o caso.


O presidente da deputación de Ourense tamén abrirá un expediente de investigación

Baltar interporá unha demanda polas acusacións do presunto axente electoral na Arxentina

Institucional 03/05/2011
  Envía a túa opinión

O presidente da Deputación de Ourense, José Luís Baltar, nega que a institución ou o Partido Popular autorizasen a viaxe a Arxentina dun militante da formación e traballador provincial para exercer de axente electoral nos tres meses previos ás eleccións municipais do ano 2007. Requirido pola confesión que José Vázquez, ex empregado da Deputación que o propio Baltar Pumar tería contratado "a dedo", realizou ao xornal "El País", o presidente anunciou que encargou a apertura dun expediente informativo para coñecer como se puido producir o suposto permiso e que presentará unha demanda polas acusacións.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -60 -61 -62 -63 -64 -65 -66 -67 -68 -69 -70 -71 -72 -73 -74 -75 -76 -77 -78 -79 -80 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros