Envía a túa opinión
O Concello de Ferrol clausurará este venres, ás 20.00 horas, a exposición “Historia do feminino en España”, que se inaugurou o pasado 4 de maio no local da Praza de España situado fronte ao Fórum Cidadán. Ata o dagora, máis de 1.100 persoas achegáronse a coñecer o contido deste mostra, aberta ao público en horario de tarde, de 18.30 a 20.30 horas. Así mesmo, os centros de ensino poden visitala en horario de mañá, de 08.00 a 15.00 horas, de luns a venres, previa solicitude na Casa da Muller, a través do número de teléfóno 981 944 240 ou na mesma Casa, ubicada na rúa Lugo, número 56.
Envía a túa opinión
Bicoca de Boca a Boca. Así se denomina a nova sesión de contacontos para nenos-as, de Celso Fernandez Sanmartín. Estará na biblioteca municipal de Fene (A Coruña) este venres dia 27 de maio, ás 17.30 horas.
Envía a túa opinión
O pasado sábado apareceron troitas mortas na zona do Souto Vello no río Ba de Maniños (Fene- A Coruña). Axentes do SEPRONA levantaron o correspondente informe atendendo á denuncia formulada pola Asociación Etnográfica e da Natureza Amigos e Amigas do río Baa de Maniños.
Envía a túa opinión
A terceira proposta expositiva da serie Cara a Cara inaugúrase mañá mércores, ás 20.00 horas no Centro Cultural Carvalho Calero. Os artistas Luis e Gustavo Rapela (pai e fillo, respectivamente) tomarán o relevo de Juan Sobrino e Ladislau da Regueira, autores da segunda mostra deste proxecto que inauguraron Eduardo Hermida e González Collado. Un proxecto que pretende establecer diálogos artísticos entre diferentes artistas ferroláns, seleccionados de dous e cunha diferenza de idade de alomenos vinte anos coa finalidade de amosar, a través das súas creacións artísticas, o salto xeracional entre ambos os dous creadores, os xa consagrados e os que están chamados a tomarlles o relevo. Deste xeito, preténdese recoller un diálogo (ás veces amistoso, ás veces enfrontado) entre a obra de recoñecidos artistas plásticos que teñen en común ter nacido en Ferrol e, como condición, pertencer a dúas xeracións distintas. Nesta ocasión, o diálogo artístico entre pai e fillo xirará arredor do fogar e a familia.
Envía a túa opinión
Factores locais e externos influíron nos resultados electorais de Fene (A Coruña) segundo o portavoz do BNG local, Manuel Polo, quen agradeceu esta mañá no programa "As Foxas" o respaldo dos votantes do BNG a pesar de ser unha candidatura renovada, con novo candidato e circunstancias adversas. Segundo os nacionalistas, o PSOE foi a forza máis castigada pola sua mala xestión.
