Envía a túa opinión
O Concello de Fene- A Coruña- o seu movemento asociativo e as comunidades educativas dos centros de ensino, súmanse ao chamamento da Asociación de Escritores e Escritoras en Lingua Galega para homenaxear á autora de Cantares Gallegos. A comemoración do ‘Día de Rosalía’, recollida oficialmente pola Consellería de Cultura e Educacion no seu Calendario do Libro e da Lectura, ten este ano unha especial relevancia ao se cumprir o 150 aniversario da publicación de Cantares Gallegos, o primeiro libro íntegro monolingüe do renacemento da nosa literatura culta.
Envía a túa opinión
O salario do alcalde fenés, Gumersindo Galego, non chega aos topes que se barallan na reforma da administración local que prepara o Ministro Montoro. Galego declarou esta mañá en RF que cobra 41.000 € brutos ao ano, cando a reforma está cifrando en 45.000€ os salarios de alcaldes de concellos coa poboación de menos de 15.000 habitantes como a de Fene. Non ten claro se o anuncio do límite de adicacións exclusivas vai aforrar algo porque en Fene hai duas e podería haber 5 co novo decreto.
Envía a túa opinión
O próximo venres, 22 de febreiro, péchase o prazo de matrícula para participar nas XVIII Xornadas de Filosofía e Metodoloxía Actual da Ciencia, baixo o epígrafe “Límites da Ciencia”, que se celebrarán no salón de actos do Campus de Ferrol os días 14 e 15 de marzo. Este encontro está organizado pola Área de Lóxica e Filosofía da Ciencia da Universidade da Coruña, en colaboración coa Sociedade de Lóxica, Metodoloxía e Filosofía da Ciencia en España, e coordinado por Wenceslao J. González, do departamento da Humanidades da Universidade da Coruña.
Envía a túa opinión
Kepa Junkera e o grupo castelán La Musgaña estarán en Ferrol no mes de abril, dentro da proposta musical do Toxos e Froles para a primavera que remata o 1º de xuño coa celebración do 98 aniversario do Real Coro. Consolídase o Concurso de Cuartetos tradicionais instaurado polo Toxos e Froles. O Sábado 23 de Febreiro ás 20:30 horas vai ter lugar a segunda edición. O II Concurso de Cuartetos Tradicionais organizado polo Real Coro "Toxos e Froles" xa ten a selección dos grupos participantes: Xente Nova de Ferrol; Vedoira de Lugo; Os Picurruchos de Lugo e Angazo de Ourense.
Envía a túa opinión
Cun completo éxito de público pechouse o mercado de segunda man que ao longo do día se desenvolveu no espazo de Vichelocrego de Barallobre. Moitas persoas pasaron ao longo do día polo local e contemplaron os produtos dos 30 postos instalados no local.
