Publicidade Radio Fene
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Sábado 21 de Xullo de 2018

Emisoras > Radio Eume

Información da emisora Novas da emisora

No centro da imaxe, Amado e Branco, protagonistas da folga de fame

Folga de fame e caravana de camións para parar o decreto da minaría

Sociedade 18/10/2010
  Envía a túa opinión

A marcha negra continúa. Farao motorizada e chegará até Madrid. É a decisión adoptada por unha asemblea de transportistas de carbón, traballadores das centrais térmicas das Pontes e Cerceda e políticos deses dous concellos esta mesma tarde. Un cento de camións sairán dende Galicia o xoves pola noite para chegar o venres pola mañá fronte á sede do Ministerio de Industria, na capital do Estado, e reclamar compensacións para as comarcas mineiras galegas polos efectos que o decreto do carbón terá nelas cando se aplique. Os concellos d'As Pontes e Cerceda habilitarán buses gratuítos para que empregados das centrais e veciños poidan acompañar aos camioneiros na súa protesta en Madrid. Os convocantes da marcha solicitaron unidade nas protestas contra a norma. O nivel das protestas elévase, como demostra tamén a folga de fame que manteñen dende a fin de semana dous representantes da CIG na central pontesa. Un deles, Alberto Amado, explicou en Radiofusiòn, que só alzarán a folga cando o ministro Miguel Sebastián acepte negociar con eles unha modificación do decreto antes da súa entrada en vigor.


Pachi Vázquez esta mañá na marcha negra

Os socialistas galegos plántanse

Sociedade 15/10/2010
  Envía a túa opinión

O secretario xeral do PSdeG, Pachi Vázquez, participou hoxe, xunto a deputados e alcaldes da zona, na Marcha Negra contra o Decreto do Carbón que partiu dende Bergondo, onde sinalou que “somos socialistas, pero primeiro somos galegos, e imos defender ás comarcas de Cerceda e As Pontes ante unha situación claramente inxusta”. Vázquez resumiu así o apoio dos socialistas galegos ás reivindicacións dos traballadores afectados polo Decreto do Carbón do Ministerio de Industria. Así, explicou que este decreto “pode ser bo para Asturias e Castela León, e felicitámonos por elo, pero non pode ser a costa de Galicia”.


Arranque da Marcha Moura nas Pontes

Marcha moura, polo futuro de todos

Sociedade 13/10/2010
  Envía a túa opinión

Minutos despois das 10 desta mañán saíron unhas 70 persoas das Pontes na marcha contra o Decreto do Carbón. O noso compañeiro de Radio Eume, da radio municipal das Pontes, Xosé Montero, camiñou boa parte da mañán con eles e contounos, dende a estrada, como discurría esta primeira etapa que concluirá contra as 4 da tarde no cruce de Lavandeira.


A protesta rematará o sábado ás portas da Delegación do Goberno na Coruña

Bota a andar a “marcha negra” contra o decreto do carbón

Sociedade 12/10/2010
  Envía a túa opinión

As Pontes e Cerceda manifestaranse o sábado 16 perante a Delegación do Goberno en Galicia, na cidade da Coruña, reclamando compensacións polos efectos que o decreto do carbón terá na economía das comarcas que lle dan abeiro ás centrais de Endesa nas Pontes e de Gas Natural Fenosa en Meirama. A concentración será a etapa final dunha mobilización que baixo o alcume de “marcha negra” partirá mañá mércores da vila pontesa, e que o fará o venres a última hora dende Cerceda, confluindo as dúas andanzas no centro da Coruña. Nesas andainas irá unha representación do goberno local, canda a traballadores da plantas térmicas, das industrias auxiliares e do colectivo de transportistas do carbón, e contará tamén co apoio da Plataforma contra o Decreto do Carbón. Dende Ferrolterra o Concello d'As Pontes porá autobuses a disposición da veciñanza que se queira solidarizar coa causa para que se achegue o sábado á sede do Executivo central en Galicia comodamente, sen camiñar os 70 quilómetros que hai até a capital provincial. 


Vista da central da vila coruñesa de As Pontes

Os tribunais terán que desatorar as chemineas das térmicas galegas

Sociedade 11/10/2010
  Envía a túa opinión

Non afecta, pero si. Non supón o cesamento da actividade nas centrais, pero si. Vaise compensar de xeito apropiado ás Pontes e Meirama, pero non. Así, con declaracións contraditorias, segundo procedan de Madrid ou Galicia, segundo sexan dun partido político ou doutro, provocan que o lume que agroma das cheminais das térmicas galegas se vai sufocando. O real decreto do carbón dálle aire á minaría das comarcas asturianas ou leonesas, mais retíralle o osíxeno á combustión en Galicia, cuxas centrais, obedientes coas recomendacións do protocolo de Kioto, deixaron de queimar hulla española para substituila pola foránea, máis eficiente e menos contaminante. Mais a obediencia non sempre trae recompensa. O Executivo central rescata, co visto e prace da Unión Europea, á industria extractiva autóctona privilexiando no mix enerxético -o reparto da venda da produción de enerxía eléctrica que lle corresponde a cada tecnoloxía- ás térmicas que producen con carbón español a costa das que, como as galegas, importan a materia prima. A incapacidade política de satisfacer a todos a un tempo, o balbordo nas rúas dos afectados e a perspectiva de 3.500 postos de traballo en perigo en Galicia, aproximan a solución á maza dos tribunais, que deberán resolver os preitos formulados.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros