Envía a túa opinión
O Adriano pártese de risa. Os monólogos chegan ao cine Adriano de Barallobre en funcións artelladas para recadar fondos para a iluminación do escenario. Actuarán David Perdomo o sábado e Victor Grande o domingo
Envía a túa opinión
Reanudanse as visitas guiadas ao Castelo da Palma en Mugardos. As persoas interesadas poden apuntarse a partir do sábado dezaseis de xullo. As visitas gratuitas comezarán o venres vintedous de xullo. Haberá visitas os venres sábados e domingos pola mañá e pola tarde, con grupos de vinte persoas como máximo. As persoas interesadas en participar deben formular a súa reserva na Oficina de Turismo situada no Cantón de Cora, no teléfono 630885761 ou no correo electrónico oit.mugardos@gmail.com
Envía a túa opinión
Igualdade, transparencia, mérito e capacidade. Eses deben ser os criterios seguidos para incorporar técnicos ao plantel de Navantia. Así llelo trasladou o comité de empresa do estaleiro ferrolán ao alcalde da cidade Jorge Suárez. O órgano laboral entrevistouse co primeiro mandatario e con representantes dos grupos políticos. Trasladoulle a súa protesta polo que califican como selección de persoal a dedo aludindo á convocatoria de vintecinco prazas de técnicos, realizada sen a supervisión do comité. Os representantes dos traballadores entregáronlle onte á dirección os curriculums de 58 enxeñeiros navais e industriais que tamén queren optar ás prazas.
Envía a túa opinión
“E importante que se saiba quen subvertiu o orde constitucional, quen foron as vítimas, é un tema de xustiza, de honrar ás familias dos derrotados. Pero tamén, para que a inxustiza non triunfe no presente, hai que coñecela verdade do pasado” afirma o escritor e xornalista Cristobal Ruitiña. “A reconstrución da memoria histórica débese acometer de xeito participativo e relacionandoa co presente” salienta o literato.
Envía a túa opinión
A ruta da construción naval inicia este venres a temporada de verán que se prolongará ata o quince de setembro. Visitaránse o Arsenal do século dezaoito, o estaleiro Navantia Ferrol, o Pazo de Capitanía e o modernismo ferrolán. Tamén haberá viaxes en lancha pola ría.
