Envía a túa opinión
Reunión entre o Concello de Fene e a Secretaría Xeral da Familia da Xunta de Galicia. O alcalde do Concello, Iván Puentes, e a Concelleira de Servizos Sociais, Rocio Rei, viaxaron esta mañá ata Santiago de Compostela na procura de avances para a construción da que sería a segunda escola infantil pública do municipio. O proxecto situaría en Barallobre a gardería, que ocuparía as instalacións da Escola Unitaria do Ramo. Segundo indican dende o Concello, o proxecto leva máis dun ano paralizado polo cambio de goberno na Xunta, aínda que agardan que coa reunión de hoxe se acadara un paso definitivo cara a posta en funcionamento das instalacións en menos dun ano, aínda que o alcalde de Fene, cuestíonase se finalmente se cumprirán estes prazos.
Envía a túa opinión
O DOG publica hoxe a orde de aprobación definitiva da modificación puntual do PXOM de Ferrol no ámbito do antigo cuartelillo de marinería de Ferrol. Con este paso, o convenio subscrito entre o Concello e o Ministerio de Defensa no 2007, está agora máis preto.
Envía a túa opinión
Como cada mes de setembro, ós máis pequenos tócalles volver a escola. Os nenos e nenas de primaria comezarán o curso o día 10, mentres que os de secundaria farano o 17. Este ano trae novidades a respecto da entrada en vigor do denominado como decreto do prurilingüismo no ensino non universitario e que supón que moitos dos libros que ata o momento eran útiles pasen a non selo polo feito de estaren escritos en galego. As materias que abandoan o galego a favor castelán son Matemáticas, Tecnoloxía e Física e Química. Dende a Federación de ANPAS de Ferrolterra, informan ós pais que non gasten os cartos en mercar libros dos que xa dispoñen, polo feito de estaren redactados en galego.
Envía a túa opinión
Coincidindo co inicio do curso escolar, o Centro de Interpretación e Divulgación da Reciclaxe “Reciclaterra” presentou, a través da Concellería de Medio Ambiente de Ferrol, o seu programa de actividades dirixidas a grupos escolares. As visitas guiadas a esta aula divulgativa comezarán en outubro e están destinas a grupos de escolares de Educación Infantil, Primaria e Secundaria como complemento ó ensino que reciben na escola.
Envía a túa opinión
O grupo fenés, Membrillo Fanegas, actúa o venres 10 de setembro nas festas da Parrocheira de Ferrol e o sabado 18 no Fenerock. As catro patas do grupo son Joaquín, Nacho, Lage e Javi. Naceron en Fene no 2008 e o seu ultimo video clip chámase Llotuve.Teñen gañas, talento, enerxía e gracia, así que o futuro é deles.
