Envía a túa opinión
"Mirando al mar soñé que estabas junto a mí. Mirando al mar yo no sé que sentí que acordándome de ti, lloré.” Ao mellor tararean a canción de Jorge Sepúlveda os membros da Rede Galega de Avistamento de Cetáceos. O seu traballo consiste en mirar ao mar, buscando baleas, arroaces, golfiños, focas de Groenlandia ou tartarugas do Caribe.
Envía a túa opinión
En un lugar de la Mancha, de cuyo nombre no quiero acordarme, vivía un hidalgo caballero de los de lanza en astillero. Comeza así o coñecido libro de Miguel de Cervantes, Don Quijote de la Mancha. A expresión "de los de lanza en astillero" é unha locución adverbial en desuso que alude a unha persoa cun posto, dignidade ou emprego importante. As persoas con discapacidade de Galicia teñen agora unha oportunidade laboral, da man de COGAMI que ven de presentar un proxecto ao concurso eólico, un proxecto "de los de lanza en astillero" para o que contan coa colaboración de Astilleros Armón de Burela.
Envía a túa opinión
Asado, cocido ou en empanada. Así poderemos degustar este sábado, 7 de agosto, o bonito en Burela. A localidade da Mariña lucense acolle a vixésimo sexta edición da feira de exaltación deste produto, un evento declarado de interese turístico galego. A festa de exaltación comezará ás seis e media da tarde na explanada do porto, aínda que xa pola mañá haberá oco para os xogos tradicionais de temática pesqueira e cara o mediodía para unha sesión vermú. A música tamén será a encargada de pechar a cita coa correspondente verbena. O pregoeiro será o almirante xefe do Arsenal de Ferrol, Santiago Bolíbar.
2 comentario/s - Envía a túa opinión
A mariña lucense atópase en pé de guerra contra a medida adoptada pola Xunta de Galicia que suprime varios ciclos formativos nos centros de ensinanza secundaria. Todos os alcaldes da mariña luguesa, os sindicatos máis representativos, Anpas, comités de estudantes e centros, convocados pola CIG-Ensino, crearon unha plataforma cidadá para intentar frear o recurte da oferta educativa en ciclos formativos e ensinanza de adultos. Cualifican de ataque á comarca a decisión de Educación de eliminar varios ciclos de FP na comarca así como reducir en varios centros a modalidade presencial de adultos por outra semipresencial a distancia. Porén, a CIG pide o respaldo de todos os mariñanos.
5 comentario/s - Envía a túa opinión
“O humor galego é o mellor do mundo” afirma Roberto Vilar, coñecido polo seu personaxe de Tonecho e director do Festival do Humor de Xove. Unha cita que se celebra mañá sábado, ás dez e media da noite, no Centro Cívico deste concello da mariña lucense. Tras unha exitosa primeira edición, os mellores humoristas do mundo soberán ao escenario a través dun formato semellante ao do “Club de la comedia” con música en directo e actuacións.
