Publicidade Radiofusión
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Martes 23 de Xaneiro de 2018

Emisoras > Radio Arzúa

Información da emisora Novas da emisora

Imaxe do Camiño Primitivo

Recuperación do trazado secular do Camiño de Santiago

Cultura 17/11/2010
 5 comentario/s - Envía a túa opinión

Recuperar e sinalizar un treito da calzada histórica do Camiño de Santiago no Concello de Toques (A Coruña). Con esta finalidade, voluntarios de ADEGA e as asociacións constituíntes do Foro do Camiño Primitivo promoven este sábado, día 20 de novembro, unha actividade de campo para restablecer a traza secular do Camiño de Santiago fronte á “inoperante” actuación oficial do Xacobeo co desvío falsificado do itinerario histórico da rota xacobea. Realizarase nun treito duns 300 metros, entre as parroquias de Santiago de Vilouriz e de Vilamor, coincidindo co lugar da Pena Ferrada, emblemática rocha cargada de simboloxía na memoria oral da Terra de Melide.


Segundo a representante sindical, o Ministerio de Agricultura ten que mediar nas negociacións

Sen moito tempo para o leite

Sociedade 08/11/2010
  Envía a túa opinión

Tras a reunión da Interprofesional Láctea (Inlac) do pasado venres 5 de novembro, o Sindicato Labrego Galego decidiu retomar a campaña de mobilizacións do sector lácteo en demanda dun prezo digno para as explotacións. Esta media adoitase ante a negativa dos representantes das empresas na Inlac a fixar un prezo para o leite do último trimestre do 2010 que cubra os custes de produción e remunere de maneira digna o traballo nas explotacións. A diferenza de anteriores protestas, agora as mobilizacións serán a escala estatal, xa que a Coordinadora de Organizacións Agrarias e Gandeiras (COAG) e todas as unións que forman parte dela, anuncian o inicio de protestas en todas as zonas produtoras de leite do Estado.


O Camiño pola Lingua chega a Compostela

Cultura 30/10/2010
  Envía a túa opinión

Ao seu destino, a Santiago de Compostela, chega mañá domingo o Camiño pola Lingua, a iniciativa lúdico-reivindicativa de defensa do idioma propio posta en marcha por Queremos Galego e outras entidades sociais e culturais da cidade de Ourense, entre elas a veterana Asociación Xuvenil Amencer. Os participantes iniciaron o pasado día 10 na cidade das Burgas unha ruta xacobea pola Vía da Prata, que continuou con etapas sucesivas desde Cea e Lalín.


100 Km x 1 Pacto = Pobreza 0

Sociedade 09/10/2010
  Envía a túa opinión

Os movementos sociais integrados na Coordinadora Galega de ONGD (CGONGD) e na campaña Pobreza Cero percorrerán 100 quilómetros do Camiño de Santiago para difundir o contido do Pacto Galego contra a Pobreza. Este acordo, que as propias ONGD teñen negociado cos partidos políticos ten o obxectivo principal de establecer compromisos firmes e duradeiros na loita contra a pobreza mundial e en materia de cooperación ao desenvolvemento, máis aló dun período de goberno concreto. O camiño realizarase ao longo de seis etapas e partirá de Sarria este luns. O sábado 16 de outubro, ás 9 da mañá, o grupo de camiñantes levará a cabo o último treito. Sairán do Monte do Gozo e dirixirase ata o acto de firma do pacto por representantes dos tres partidos políticos e da CGONGD, prevista para as once e media da mañá, no Pazo de Fonseca.


Ana Kiro aumentou a súa popularidade coa presentación de varios programas na TVG

Morreu Ana Kiro

Sociedade 24/09/2010
 1 comentario/s - Envía a túa opinión

A cantante e comunicadora de Arzúa Ana Kiro faleceu ás 12.30 deste mediodía no seu domicilio de Mera (Oleiros), vítima dun cancro. A capela ardente instalouse no auditorio Gabriel García Márquez de Mera. Precisamente este foi o último escenario no que cantou a artista galega. Alí interpretou no ano 2007, durante unha multitudinaria homenaxe a toda a súa carreira, a canción Alecrín en compañía de Xosé Ramón Gayoso, o coñecido presentador de Luar. O seu sepelio terá lugar mañá sábado ás 7 da tarde.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros