Publicidade Radio Fene
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Xoves 19 de Xullo de 2018

Emisoras > Radio Eume

Información da emisora Novas da emisora

Juan Ramón Vidal Romaní

O perigo da lagoa artificial das Pontes

Sociedade 16/04/2010
 1 comentario/s - Envía a túa opinión

Sobre “os perigos da lagoa artificial das Pontes” falou no IES de Fene o catedrático de Xeoloxía, Juan Ramón Vidal Romaní. O investigador e estudoso de temas como as louseiras do Caurel  ou o furado de Serrabal, así como de numerosos traballos en revistas especializadas, non entende como non se escoitan as advertencias dos expertos á hora de emprender proxectos como o das Pontes para recompoñer a zona ocupada polas minas.


Mercedes Castro: “Sexo? Por que non? presenta unha personaxe con vergoña nunha obra sen pudor”

Cultura 15/04/2010
 7 comentario/s - Envía a túa opinión

A compañía Eme2 estrea ás nove da noite de mañá venres no Cine Alovi de As Pontes o espectáculo Sexo? Por que non? A única protagonista da montaxe é a actriz Mercedes Castro quen asegurou en Radiofusión que se trata dunha peza que aborda “o sexo con naturalidade e desde un punto de vista cómico”. Mercedes fala dun texto moi actual, xa que “o medo e a vergoña seguen moi presentes na nosa sociedade católica”. Á marxe do espectáculo, a actriz pontesa será unha das protagonista esta noite da gala de entrega dos Premios Mestre Mateo. Castro está nomeada na categoría de mellor intérprete feminina protagonista polo seu papel de Amelia en Padre Casares. Competirá con Nerea Barros (Rafael), Luisa Merelas (Matalobos) e María Vázquez (O Club da Calceta). Mercedes asegura que se sente moi valorada polo nomeamento, aínda que non se ve gañadora. Afirma que vai ir coa mente de “apoiar o audiovisual galego”.



Cartaz da representación

Os bechiños invaden As Pontes

Cultura 25/03/2010
  Envía a túa opinión

Paula Carballeira, Anabell Gago e Chiqui Pereira danlle vida aos bechiños en “Bicharada”. Logo do éxito da súa última montaxe, “Boas Noites”, Berrobambán achega esta nova proposta que xa percorreu varios escenarios galegos. Poderemos ver a obra este domingo 28 de marzo, ás seis da tarde, no Cine Alovi de As Pontes. A nova montaxe desta compañía referencial no teatro infantil galego, achéganos ao mundo deses seres tan pequenos que normalmente non reparamos neles. Os seus gustos gastronómicos, as súas capacidades e mesmo que tal se levan entre eles son algúns dos misterios que resolve "Bicharada".


O alcalde Valentín Formoso presidiu a presentación do protocolo

Maior coordenación contra a violéncia de xénero

Sociedade 23/03/2010
  Envía a túa opinión

Delimitar as competencias de cada profesional. Marcar ás liñas a seguir á hora de atender a unha muller vitima de maltrato. Esas son as finalidades do Protocolo de Actuación en casos de Violencia de xénero e agresións sexuais, elaborado nos últimos meses no concello de As Pontes (A Coruña).


Medio Ambiente garante no Parlamento a calidade das augas do enchido da mina das Pontes

Sociedade 11/03/2010
  Envía a túa opinión

A presidenta de Augas de Galicia, Ethel Vázquez garantiu esta mañá a calidade das augas do enchido da mina das Pontes. Esta afirmación está baseada nos resultados dos informes presentados pola empresa Endesa, entidade responsable do enchido, correspondentes aos anos 2008 e 2009. Vázquez explicou que as analíticas dos puntos de control das augas de aporte ao lago, -o punto situado no encoro de Ribeira-, amosan unha situación normal, con valores e parámetros de calidade propios da zona. En relación aos datos dos exames doutros puntos repartidos ao longo do lago e dos humidais, os resultados arroxan os mesmos resultados de calidade.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros