Publicidade Radiofusión
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Domingo 21 de Xaneiro de 2018

Emisoras > Radio Neria

Información da emisora Novas da emisora

A Asociación Olláparo organiza estes dous cursos

Cursos de fotografía no Centro Social de Boiro

Sociedade 16/10/2010
  Envía a túa opinión

A Asociación Olláparo de Boiro impartirá, a partir da vindeira semana, dous cursos de fotografía no Centro Social. O primeiro dos curso, Fotonoite, é un Taller teórico- práctico de fotografía nocturna pensado para resolver situacións de pouca luz, adaptándose a calquera tipo de cámara. Este curso comezará este luns 18, impartindose os luns de 20 a 21.30h.


O edil do BNG, Xoán león, sinala que non incurriu en ningunha irregularidade e que se amosa tranquilo

O BNG de Boiro rexeita as presións de especuladores urbanísticos que pretenden tratos de favor

Institucional 16/10/2010
  Envía a túa opinión

O consello local do BNG responde ás denuncias de José Ces, coñecido como o Bichano, que pretende atribuír ilegalidades a membros do goberno de Boiro. Os nacionalistas aclaran a controversia xerada arredor dun galpón de 27 m2, propiedade do concelleiro de Urbanismo, Xoán León, “foi construído hai máis de 16 anos e é completamente legal”.


A autovía Carballo - Berdoias en construcción

O PP négase a abrir unha comisión de investigación sobre a autovía da Costa da Morte

Sociedade 14/10/2010
  Envía a túa opinión

Todas as respostas que cómpre coñecer arredor da adxudicación das obras da autovía da Costa da Morte entre Carballo e Berdoias son as que ofreceu o conselleiro de Medio Ambiente, Territorio e Infraestruturas, Agustín Hernández, o pasado luns no Parlamento. Enténdeo así o PPdeG, que desbota que sexan precisas máis explicacións, polo que vén de  negar a apertura dunha comisión de investigación na Cámara.


A intención da Xunta é recurrir á incineración dos residuos

Martiño Fiz (ADEGA): “Resulta paradóxico penalizar a reciclaxe”

Sociedade 12/10/2010
  Envía a túa opinión

A continuidade da Planta de Compostaxe da Mancomunidade do Barbanza, a máis eficiente do estado, periga pola cobiza de ECOEMBES e a connivencia da Xunta de Galicia. A empresa, que xestiona o contentor amarelo, pretende evitar o pago de todo o plástico tipo film que supere a media estatal de reciclaxe en contra do establecido na Lei de Envases e Residuos de Envases. A norma sinala que “os sistemas Integrados de Xestión deben pagar os materiais recuperados das plantas de tratamento” en función de parámetros de calidade e non de cantidade. Os parámetros de calidade son sobradamente cumplidos pola planta de Lousame.


A ler todos

A Biblioteca Municipal de Boiro aposta polo fomento da lectura

Cultura 11/10/2010
  Envía a túa opinión

A Biblioteca Municipal do Concello de Boiro, Casa da Cultura “Ramón Martínez López”, pon en marcha distintas actividades para o fomento da lectura. Este venres arrincan as sesións de contacontos. Celebraranse todos os xoves do 15 de outubro ao 16 de decembro para nenos e nenas de 2º e 3º de Educación Infantil, en horario de 16.30 a 17.30 horas. É necesario anotarse previamente. Para inscribirse pódese acudir á Biblioteca Municipal (Casa da Cultura) ou chamando por teléfono 981 848410. Tamén se abre un Club de Lectura para maiores de 17 anos que se desenvolverá todos os xoves ás 19:30 horas.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -60 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros