Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Xoves 26 de Abril de 2018

Emisoras > Radio Arzúa

Información da emisora Novas da emisora

O músico de hard rock Adam Bomb subirá ao escenario do Pub Gatos de Melide

Sociedade 04/01/2010
  Envía a túa opinión

O guitarrista estadounidense Adam Bomb visita Galicia esta semana. Actuará no Pub Gatos de Melide o mércores, 6 de xaneiro, a partir da unha da madrugada. O músico conta cunha ampla discografía desde o ano 1981 e ten traballado con artistas da talla de Cliff Williams de AC/DC ou co baixista de Led Zeppelin John Paul Jones. Ademais, xunto ao seu grupo ten acompañado a grandes como WASP, Metal Church ou Metallica nalgunha das súas xiras.


A Unión de Gardas Civís demanda a reestruturación dos cuarteis

O servizo da Garda Civil resíntese dunha organización herdada dos tempos das aldeas

Sociedade 03/01/2010
  Envía a túa opinión

“Un cuartel, unha bandeira e pouco máis. Moitas veces, cando chegas a pedir servizo non hai axentes”. Así debuxan a realidade da Garda Civil en Galicia dende o propio corpo da Benemérita. A Unión de Gardas Civís demanda unha reorganización do Instituto Armado que elimine dependencias redundantes, arredor de medio cento na Comunidade, e concentre aos axentes para fornecer de máis persoal a uns cuarteis centrais. Isto conlevará “máis cobertura horaria e máis seguridade cidadá”, xustificou en Radiofusiòn un dos representantes do colectivo, José Antonio Barrios.


Galos na Feira

Arzúa premia as mellores parellas de capóns na tradicional Feira de Nadal

Sociedade 22/12/2009
 4 comentario/s - Envía a túa opinión

O recinto feiral de Arzúa ateigouse esta mañá de criadores e produtores de capóns que expuxeron e venderon os mellores exemplares que criaron durante os últimos meses. Galos e galiñas piñeiras, capóns cebados e galos vivos estiveron presentes dende primeira hora da mañá agardando a que algún comprador os convertese no prato estrela das Festas do Nadal. Había máis exemplares ca en calquera outra edición e a parella vendíase dende moi cedo arredor dos 100 euros. A maioría dos alí presentes procedían dalgunha das parroquias de Arzúa, se ben tamén fixeron acto de presenza no recinto criadores de concellos limítrofes como Melide, O Pino e Touro.

 


Boimorto celebra en xaneiro o VI Certame de Cantares de Reis

Cultura 11/12/2009
  Envía a túa opinión

O Concello de Boimorto vai organizar o vindeiro 3 de xaneiro de 2010 o Certame de Cantares de Reis. Nel participarán cuadrillas de reiceiros de todo o país para facerse cos 2400 euros que se repartirán en premios. O consistorio agarda que o concurso repita o grande éxito de participación e afluencia que se obtivo na edición de 2009.


1

O consistorio arzuán axiliza os trámites para o acondicionamento do Parque Infantil

Sociedade 10/12/2009
  Envía a túa opinión

O Concello de Arzúa acordou na Xunta de Goberno, celebrada esta mañá, a adxudicación das obras de acondicionamento e mellora do parque infantil da localidade unha vez que xa se obtivo a oportuna autorización da Dirección Xeral de Patrimonio e se asinou o correspondente convenio de colaboración coa Deputación Provincial. A empresa Construccións Deportivas José Ramón será a encargada de levar a cabo nos vindeiros meses unha actuación que permitirá mellorar considerablemente a imaxe do recinto e, sobre todo, incrementar de xeito notable a seguridade dos nenos e nenas que empregan as instalacións.


1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros