Publicidade Radio Fene
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Sábado 21 de Xullo de 2018

Emisoras > Radio Arzúa

Información da emisora Novas da emisora

A dirección do CEIP e o Concello de Arzúa solicitan a Educación melloras nas infraestruturas do centro escolar

Sociedade 20/10/2009
  Envía a túa opinión

O alcalde de Arzúa, Xaquín García, e o Director do Colexio de Educación Infantil e Primaria de Arzúa, Jesús Lojo, desprazáronse na mañá de onte ata a cidade da Coruña para manter unha reunión coa Xefa Territorial de Educación da Xunta de Galicia, María Teresa Villaverde. O encontro serviu para facela coñecedora do acordo alcanzado co anterior Delegado Provincial de Educación, nunha reunión celebrada o pasado 14 de xaneiro de 2009, sobre as melloras que era necesario acometer no Centro Escolar, unha vez que se ían executar obras de urbanización na rúa do Castro, situada ao carón do centro escolar e que foi ampliada segundo estaba previsto no Plan Xeral de Ordenación Municipal.




A construción de fornos solares e os xogos de Guixot del 8 entre as propostas estrela do Terractiva

Cultura 19/10/2009
  Envía a túa opinión

Terractiva, a VI Feira ecolóxica de Arzúa, finalizou este domingo despois de dúas xornadas de grande actividade, onde cultura e ecoloxía se deron a man, co fin de reivindicar un futuro mellor para a nosa terra, e frear a degradación que está a sufrir na actualidade por mor da contaminación. Entre as actividades que obtiveron maior éxito durante a fin de semana, cabe destacar os diferentes obradoiros que se celebraron no recinto, como a construción de fornos solares, (unha alternativa aos métodos de consumo máis habituais), malabares, creación de monicreques ou reciclaxe. As diversas charlas realizadas no recinto, así como a proxección do documental Mashi Trasi que Trasi, de Pallasos en Rebeldía, foron outras das propostas que contaron con grande aceptación.




Edición de Terractiva 2008

Abre Terractiva, a 6ª Feira ecolóxica de Arzúa

Sociedade 17/10/2009
  Envía a túa opinión

Terractiva, a 6ª Feira ecolóxica de Arzúa, abre as portas cunha ampla e variada programación onde teñen cabida todo tipo de actividades, dirixidas a lograr unha maior conciencia social, e un maior coñecemento persoal e do entorno que nos rodea. A feira ecolóxica máis grande de Galicia, conta con máis de 50 expositores, obradoiros, charlas e cursos formativos, ata onde se pode achegar o público co fin de coñecer máis de preto as múltiples posibilidades que ofrecen as enerxías, alimentos e terapias alternativas dos distintos expositores.


A feiractiva contará con máis de 50 expositores

Obras de Xaquín Marín contribuirán a coñecer a situación ambiental galega no Terractiva

Cultura 15/10/2009
  Envía a túa opinión

“A ecoloxía galega contra a globalización mundial”. Este é o lema da sexta edición do Terractiva que se celebra este fin de semana, sábado e domingo, en Arzúa. Un ano máis o evento contará cunha feira ecolóxica, con obradoiros, música, teatro, charlas e exposicións como é o caso de “25 anos de medio ambiente con Xaquín Marín”. Tamén haberá oco para presentación do documental Mashi Trasi que Trasi, realizado por Pallasos en Rebeldía durante a súa viaxe este ano a Palestina.





Entran en funcionamento os contedores soterrados da Rúa Luís Seoane de Arzúa

Sociedade 13/10/2009
  Envía a túa opinión

O Concello de Arzúa puxo en funcionamento esta mesma mañá os contedores soterrados situados na Rúa Luís Seoane, no casco urbano de Arzúa. O servizo inaugurado no día de hoxe estaba incluído no proxecto de mellora acometido polo Goberno Municipal nas rúas Luís Seoane e Castelao; de feito estas dúas vías foron completamente renovadas hai uns meses mediante un programa de acondicionamento que permitiu adecentar dúas das rúas máis céntricas e comerciais da vila dotándoas dunha nova imaxe moito máis moderna. Con beirarrúas moito máis amplas, seguras e cómodas, cunha nova capa asfáltica e coa dotación de mobiliario urbano, o goberno arzuán investiu nestas dúas rúas máis de 300.000 euros, financiados en parte pola Consellería de Innovación e Industria, co goberno do Bipartito, e outra parte pola Deputación Provincial de A Coruña.

 

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros