Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Mércores 18 de Xullo de 2018

Emisoras > Radio Neria

Información da emisora Novas da emisora

Plano indicativo

As Festas do Verán de Boiro trasladaranse ás inmediacións do parque da Cachada

Sociedade 22/06/2010
  Envía a túa opinión

As Festas do Verán 2010 estrean novo emprazamento, co obxectivo de desconxestionar o tráfico no casco urbano durante as celebracións e dar máis comodidade tanto aos veciños como aos propios empresarios das atraccións de feira. Deste xeito, as atraccións de maior volume colocaranse na superficie do novo aparcamento e o resto na Avenida da Constitución e na Avellaneda, quedando as caravanas dos feirantes emprazadas na rúa número 6 e un tramo de Avellaneda. 


As obras de acondicionamento inaugúranse este xoves

Inauguración das obras de acondicionamento do lugar de Moimenta

Sociedade 22/06/2010
  Envía a túa opinión

O Concello de Boiro e os veciños inaugurarán o vindeiro xoves día 24 de xuño, San Xoán, as obras de acondicionamento realizadas no lugar de Moimenta, na parroquia de San Xoán de Macenda. O acto, presidido polo Alcalde de Boiro, Xosé Deira Triñanes, comezará ás 21.00 horas, e está convidada a corporación municipal e os veciños que desexen asistir. A obra, denominada “Acondicionamento e mellora dun tramo de camiño veciñal no núcleo rural de Moimenta”, foi incluída no Fondo Estatal de Inversión Local e o Fondo Especial para a Dinamización da Economía e o Emprego, do Goberno central. As actuacións foron aprobadas en Consello de Ministros a proposta da Conferencia Sectorial da Vivenda, e todas estaban incluídas nas actuacións que a Xunta de Galicia achegou ao Ministerio de Vivenda. Isto foi posible grazas á proposta da ex Directora Xeral Encarna Otero Cepeda, quen incluíu esta obra na proposta que a Xunta fixo ao Ministerio. O Alcalde de Boiro, Xosé Deira Triñanes, e o Conselleiro de Medio Ambiente, Territorio e Infraestruturas, Agustín Hernández, asinaron o protocolo de actuación en xullo de 2009.


20 peñas participarán nesta edición

Boiro volve con máis forza no Día das peñas

Sociedade 16/06/2010
  Envía a túa opinión

A pasada edición das festas de Boiro 2009, xuntou a un grupo de amigos na sesión vermú que daban cor á rúa peonil, con tradicionais camisetas e panos ao pescozo, na procura de facerse co premio en modalidades tan duras coma o tiro a corda, as carreiras de sacos e incluso clásicos coma levar o ovo na culler. O que nun principio tivera unha tímida resposta do público no chamado Día das peñas, este ano repítese a excelente aceptación coas 20 peñas anotadas fronte ás 6 do 2009.


15 persoas participarán neste curso formativo

Arrinca en Boiro un curso de axente comercial dentro do (AFD) 2010

Sociedade 14/06/2010
  Envía a túa opinión

O Departamento de Emprego do Concello de Boiro inaugurou esta mañá, na Casa da Cultura Ramón Martínez López, Parque da Cachada de Boiro, o curso de Axente Comercial, pertencente ás Accións Formativas para Desempregados 2010 (AFD) da Consellería de Traballo e Benestar, cunha duración de 454 horas, en horario de 9.00a 14.00 horas, de luns a venres, coa previsión de remate para o día 21 de outubro de 2010.


Tres praias de Boiro obteñen este recoñecemento

O alcalde de Boiro recolle a Bandeira “Q” de Calidad Turística a tres areais boirenses

Sociedade 14/06/2010
  Envía a túa opinión

As praias de Mañóns, Carragueiros e A Retorta do Concello de Boiro renovarán este mediodía a Bandeira “Q” Calidad Turística. O alcalde boirense, Xosé Deira Triñanes recollerá este galardón no Ministerio de Industria, Turismo y Comercio. Serán o titular deste ministerio, Miguel Sebastián, o Secretario de Estado de Turismo, Joan Mesquida e o presidente do ICTE, Miguel Mirones os que farán entrega das Bandeiras “Q”  ás 152 praias  españolas certificadas polo Instituto para la Calidad Turística Española.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -60 -61 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros