2 comentario/s - Envía a túa opinión
A ministra de Medio Ambiente, Medio Rural e Mariño (MARM), Elena Espinosa, suspendeu a súa axenda para este xoves co fin de visitar as zonas máis afectadas polas choivas en Asturias e Galicia. Reuniráse en Burela cos alcaldes da costa de Lugo.
Envía a túa opinión
14 pontes derrubadas, miles de terras levadas pola forza dos ríos e multitude de troncos espallados engrosan a lista de desfeitas no concello de Ribadeo e do resto da mariña lucense por mor das fortes choivas dos últimos días. Tras a mellora do tempo o caudal das augas dos ríos volven ao seu estado normal pero os veciños de Ribadeo botan as mans á cabeza ao ver os estragos causados polas intensas precipitacións.
2 comentario/s - Envía a túa opinión
A prestixiosa revista británica de músicas do mundo fRoots incluirá un tema de Batuko Tabanka para o seu 35 CD recopilatorio. A BBC e o diario The Independent fan referencia ao traballo musical das cabo verdianas de Burela. A revista adica a súa última portada ao músico Spider John Koerner.
2 comentario/s - Envía a túa opinión
Anegamentos, estradas cortadas, xornadas complicadas está a vivir a mariña lucense nestes días de fortes choivas. No Concello de Foz, na zona do Forxán, como consecuencia da auga caída, un bo número de casas quedaron asolagadas. Ante esta situación, despregouse un plan de emerxencia para que as familias afectadas poidan porse en contacto con protección civil ou salvamento marítimo. As inclemencias climatolóxicas engádense a outra problemática concerniente á sanidade da mariña luguesa. Tras anunciarse pola Xunta de Galicia que Burela disporía dun xerente con autonomía e con capacidade de decisión plena sobre os centros de saúde dos distintos concellos e, sobre todo, no Hospital Comarcal de Burela, as últimas novas non apuntan nesta dirección. A cidadanía non está convencida da promesa realizada polo goberno de Núñez Feijóo e prepárase unha mobilización para o vindeiro 26 de xuño. Manifestaranse en contra do desmantelamento da sanidade pública da mariña. A plataforma convocante denuncia, o que consideran como unha política privatizadora do goberno galego no eido da saúde, a parálise do Plan Estratéxico do Hospital da Costa e os recurtes graves no servizo de asistencia primaria. A mobilización cidadá sairá o 26 de xuño, ás 12 do mediodía, do vestíbulo do Hospital de Burela.
2 comentario/s - Envía a túa opinión
Autobús Lugoterra…de todo natural. Chámase así un peculiar vehículo que promociona a provincia luguesa por toda a xeografía española. Unha iniciativa promovida pola vicepresidenta terceira da Deputación de Lugo coordenada por María José Buján. Unha proposta que está a recibir unha moi boa acollida cunha gran afluencia de visitantes. No seu percorrido promocional estaciona nos lugares máis céntricos das cidades que visita. Nesta peregrinaxe oferta información impresa, suxerencias de escapadas e de roteiros de sendeirismo e amosa os produtos de denominación de orixe de calidade, entroutros aspectos. Asemade proxéctase un DVD de 5 minutos con imaxes das diferentes comarcas da provincia. Cada visitante leva un pequenos agasallo recordatorio. Ata o momento o Lugoterra xa visitou León, Zamora, Valladolid, onte fixo parada en Porto, hoxe atópase en Braga e mañá percorrerá a provincia de Ourense.
