Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Venres 27 de Abril de 2018

Emisoras > Radio Allariz

Información da emisora Novas da emisora

A Casa da Mocidade de Allariz ofrece un curso de Monitores de Lecer e Tempo Libre

Sociedade 11/11/2009
 6 comentario/s - Envía a túa opinión

O Concello de Allariz en colaboración coa Escola de Tempo Libre Animacción organiza un Curso de Monitores de Lecer e Tempo Libre, homologado pola Xunta de Galicia, que se celebrará dende o 21 de novembro ata o 17 de xaneiro en fines de semana e festivos de 9:00 a 14:00h e de 16:00 a 21:00h. Esta fin de semana, o venres e o sábado a Casa da Mocidade, que acollerá este curso, tamén será o escenario das primeiras clases de música moderna centradas en instrumentos como a guitarra, o baixo eléctrico e a batería.

 


A Mostra de Patrimonio Inmaterial achegará ao público os saberes tradicionais

Ourense reivindica os saberes tradicionais como “armas de futuro”

Sociedade 10/11/2009
  Envía a túa opinión

A Praza Maior de Ourense acollerá desde hoxe martes ata o sábado a Mostra de Patrimonio Cultural Inmaterial. Trátase dun evento, organizado pola Asociación de Gaiteiros Galegos, o Concello de Ourense e o proxecto Ronsel, que ten por obxectivo achegar ao público a utilidade actual dos saberes tradicionais.


A Feira de Outono de Allariz contou con grande afluencia de público

Sociedade 09/11/2009
  Envía a túa opinión

A XIV edición da Feira de Outono de Allariz celebrada esta fin de semana co obxectivo de promover, potenciar e valorizar os produtos de outono como setas, mel ou castañas, contou con máis asistencia da prevista pola organización e os vendedores. Tamén obtiveron unha acollida positiva os obradoiros organizados pola asociación ANDREA, destinados a nenos e nenas que podían cociñar, facer manualidades, coñecer árbores autóctonas e mesmo fiar lá das ovellas do Rexo.




“Tempos no Lugar”, unha exposición fotográfica de San Salvador e Paicordeiro

Cultura 06/11/2009
  Envía a túa opinión

Este sábado, 7 de novembro, inaugurarase ás 12:30h na Fundación Vicente Risco a exposición “Tempos no lugar”. A mostra amosará fotos de Xosé Suárez e Xosé Luís Suárez Canal realizadas ao longo deste século no medio rural de San Salvador e Paicordeiro, entre os anos 30 e 70. Os alumnos e alumnas do curso de verán realizado na Fundación Vicente Risco aportarán tamén as súas fotografías.


 


Allariz celebra esta fin de semana a súa Feira de Outono

Sociedade 06/11/2009
  Envía a túa opinión

Esta fin de semana, os días 7 e 8 de novembro, Allariz acollerá a XIV edición da Feira de Outono de Allariz. A promoción, potenciación e valorización dos produtos de outono, setas, mel ou castañas entre outros, son os obxectivos desta iniciativa do Concello de Allariz que perdura durante catorce anos. A programación incorpora, como cada ano, pavillón de venda situado no Instituto de Allariz. Dende as 11:00 ata as 20:00h unha trintena de expositores de produtores galegos, tanto locais como comarcais. Este ano incorpórase como expositora a Asociación Puzzle que dará a coñecer a súa labor ós visitantes á feira. Durante a celebración da mesma ofertarase neste pavillón un servizo de bar con tapas e racións elaboradas con ingredientes de outono.


1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -60 -61 -62 -63 -64 -65 -66 -67 -68 -69 -70 -71 -72 -73 -74 -75 -76 -77 -78 -79 -80 -81 -82 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros