Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Martes 24 de Abril de 2018

Emisoras > Radio Allariz

Información da emisora Novas da emisora

O Fogar do Maior de Allariz acolle as III Xornadas de Persoas Maiores

Sociedade 25/09/2009
  Envía a túa opinión

O Fogar dos Maior acollerá a terceira edición das Xornadas de Persoas Maiores dedicadas este ano a “Maiores: saúde, cultura e solidariedade”. Realizaranse do 1 ao 9 de outubro e nelas inclúense charlas, obradoiros, teatro e exposicións. A programación comezará o día 1 de outubro, Día internacional das persoas de idade, cunha charla inaugural impartida polo médico de familia Jesús Apolinar sobre “Saúde e Vellez”. Charlas como “Entre a Historia e a lenda: Santa Mariña de Augas Santas” do profesor Ambrosio Borrajo Conde e “Cultura de ocio no rural” impartida polo investigador da U:S:C Juanjo Lorenzo Castiñeiras centrarán o tema desta edición.

 


Comezan as obras do Centro de Interpretación da Idade Media de Allariz

Institucional 23/09/2009
 3 comentario/s - Envía a túa opinión

As obras da primeira fase de construción do Centro de Interpretación da Idade Media allaricense (CIMA), situado nas inmediacións do Castelo de Allariz, xa deron comezo. As tarefas céntranse na adecuación das vivendas adquiridas na rúa do Castelo onde se situará o centro.. “Unha inversión que ten por obxecto poder contar cun espazo que poña de manifesto a importancia que no seu día tivo Allariz, na época medieval, e que explica en boa medida tamén o noso presente”, explicou o alcalde de Allariz, Francisco García.

 


A campaña “Palabras no Ar” de Kalandraka chega a Allariz

Sociedade 23/09/2009
  Envía a túa opinión

A cuarta etapa da Campaña de Animación Lingüística “Palabras no Ar”, que realiza Kalandraka, comeza hoxe en Allariz. Esta iniciativa, que se enmarca no programa “Bocaberta” da Secretaría Xeral de Política Lingüística da Xunta, consiste en sesións de contos e música, obradoiros de oralidade e de escrita creativa, que se desenvolverán ata o 2 de outubro. Participarán máis de 600 escolares de 0 a 11 anos de idade, pertencentes aos concellos de Allariz, Sandiás, Baños de Molgas, Taboadela, Paderne de Allariz, San Cibrao das Viñas e A Merca.

 


 


Casa da Mociade de Allariz

Obradoiros musicais, radiofónicos e fotográficos centran o outono da Casa da Mocidade de Allariz

Cultura 22/09/2009
  Envía a túa opinión

O Concello de Allariz puxo en marcha este verán a Casa da Mocidade que serviu de punto de encontro para os mozos e mozas de entre 13 e 35 anos, quen puideron gozar do futbolín, billar, pingpong e consolas de última xeración. Cursos de guitarra eléctrica, baixo e batería; obradoiros de programa de radio, formación en audiovisuais, creación de contidos para radio e televisión, emprego dos servizos da radio e televisión municipal; obradoiros de fotografía e vídeo, deseño, partys, torneos; e actividades de teatro, sendeirismo, deporte de aventura, viaxes, baile, cine e vídeo forums; son o grande elenco de actividades das que poderán gozar este outono os usuarios da Casa da Mocidade.


Emir Kusturika e Fanfare Ciocarlia encabezan o Reperkusión 09 desta fin de semana

Cultura 17/09/2009
  Envía a túa opinión

Na sétima edición do festival Reperkusión chega un grande das artes o internacionalmente coñecido: Emir Kusturica e a súa banda The No Smoking Orchestra. O cineasta, actor e músico serbio transportará as beiras do Arnoia os ritmos e ambientes de películas coma Underground; Gato Negro, Gato Blanco ou El tiempo de los Gitanos. Será este venres, 18 desetembro e estará acompañado polos madrileños Bodega Bodega e os galegos Festicultores Troupe. O sábado continúa a festa balcánica ca Fanfare Ciocarlia, uns rumanos que xa fixeron vibrar os asistentes ao Reperkusión hai tres anos, considerados coma un dos mellores concertos que pasaron polo festival.

 

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -60 -61 -62 -63 -64 -65 -66 -67 -68 -69 -70 -71 -72 -73 -74 -75 -76 -77 -78 -79 -80 -81 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros