Envía a túa opinión
Atento despide 112 persoas no seu centro da Coruña. CC OO asegura que a suposta diminución do volume de chamadas se debe ao desvío da carga de traballo a outros centros da compañía. Atento Teleservicios, do sector da telemercadotecnia, comunicoulle ao comité de empresa 112 despedimentos no seu centro da Coruña. Atento, antiga filial de Telefónica e agora propiedade de Bain Capital, conta actualmente con case setecentas persoas na cidade herculina.
Envía a túa opinión
Un perruqueiro de Narón- A Coruña- Antonio Calvo, é o gañador para España do prestixioso concurso The Style Master 2013, o certame co que o grupo Colomer pretende impulsar a profesión do estilismo, reivindicar o valor artístico dos perruqueiros e descubrir novos talentos.
Envía a túa opinión
O neto de Alexandre Bóveda, Valentín García Bóveda intervirá este mércores no Ateneo Ferrolán no acto de presentación do libro de banda deseñada "Bóveda, un alegato pacifista contra a inxustiza". No acto tamén participarán o mestre Xosé Lastra Muruais e os autores do volume, Carlos Sardiña e María Xesús Arias. O libro editouse a través do sistema de "Crowfunding" ou micromecenazgo.
Envía a túa opinión
A Asociación Cultural Eira Vella organiza unhas Xornadas da Memoria a celebrar nesta semana. Farao cun ciclo de "Cine da Memoria" os dias 10 e 11, e coa homenaxe ás vítimas betanceiras da represión franquista, o mesmo 14 de abril, o próximo domingo.
Envía a túa opinión
A banda de garaxe The Routes, actua este martes na Sala Super 8 da rúa Real de Ferrol. Proceden de Xapón e fan música surf, combinando o rock instrumental e o pop vocal. Na cidade departamental ofrecen o único concerto en Galicia. En Ferrol presentarán o seu disco Instrumentals.
