Publicidade Radio Fene
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Venres 20 de Xullo de 2018

Emisoras > Radio Allariz

Información da emisora Novas da emisora

De Antonio e De Guevara na presentación do coloquio

Desterrando falsos mitos sobre xudeus e conversos

Deportes 19/10/2015
  Envía a túa opinión

O Consello Superior de Investigacións Científicas (CSIC) celebra en Santiago de Compostela o coloquio "Xudeus e conversos: Relacións de poder en Galicia e nos reinos hispanos". O coloquio é unha iniciativa o Instituto de Estudos Galegos Padre Sarmiento. Desenvólvese hoxe e mañá e está dirixido por Eduardo Pardo de Guevara e Valdés, profesor de investigación do CSIC e director do IEGPS, e coordinado por María Gloria de Antonio Rubio, axudante de investigación do CSIC no IEGPS. "O estudo da comunidade xudía pode facerse, loxicamente, desde moi diferentes perspectivas pero, neste caso concreto, farase exclusivamente desde a análise das relacións de poder. Estas relacións susténtanse en toda sociedade, maioritaria ou minoritaria, moderna ou medieval, na desigual posición dos seus membros e será o estudo destas relacións -harmónicas, caritativas ou conflitivas- o que permita avanzar na destrución da imaxe homoxénea da sociedade xudía e conversa que se perpetuou no imaxinario colectivo e na propia historiografía, para mostrar unha sociedade poliédrica e heteroxénea no que ás relacións internas refírese", sinalou María Gloria de Antonio Rubio ao presentar as xornadas.


Arraianos

Os arraianos do Couto Mixto

Sociedade 26/09/2015
  Envía a túa opinión

“Deixa que chova”, cantan os veciños do vello territorio Couto Mixto arredor do acordeón nun bar. E abofé que chove. As pingas caen con violencia sobre este territorio da raia entre Galicia e Portugal e rachan co silencio. A natureza, as palabras contadas cunha sonoridade moi especial e as cancións espontáneas poñen o son a unhas imaxes que nos levan a transitar un territorio de fronteira, non so física, senón tamén entre ficción e realidade, nun espazo case que esquecido do mundo. Santiago, Rubias e Meaus son as tres localidades da raia seca que formaban a Andorra galega.


O volume publicouno Editorial Galaxia

Catro esquinas para observar o futuro político do país

Sociedade 18/09/2015
  Envía a túa opinión

Poida que os bardos das idades do himno galego cansen de esperar. Cal vai ser o futuro do noso país, cal é a identidade que lle corresponde, o seu lugar no mundo? Cuestións esencias como estas dirixen a longo prazo os movementos cotiás da política. Advertímolo estes días, cando diversos actores públicos discuten sobre como debe artellarse unha representación galega no centros de decisión estatais. A Editorial Galaxia presenta o volume que formula a pregunta “Tempos chegados? Sobre o futuro político da Galiza”, unha obra que recolle catro breves ensaios dende catro opcións diferentes: o mantemento do Estado autonómico; a transformación federal; a da creación dun Estado independente; e a da reformulación libertaria e autoorganizada deste suxeito político. Os editores de “Tempos Chegados?” son Carlos Taibo e Arturo de Nieves.


Ceip Princesa de España (Verín)

Detidas unha nai e unha avoa por agredir a unha mestra en Verín

Sociedade 15/06/2015
  Envía a túa opinión

STEG condena o episodio de violencia contra unha docente no CEIP Princesa de España de Verín e solidarízase coa mestra e co claustro de profesores deste centro. O episodio de violencia contra unha mestra, á que lle propinaron insultos e golpes, saldouse coa detención da nai e avoa dunha das alumnas da citada mestra. Nun comunicado, o claustro del CEIP condenóu contundentemente o ataque á mestra pero limitóu o acontecido a un caso particular.


Existe desabastecemento de vacina pentavalente

O desabastecemento condiciona o calendario da vacinación infantil

Sociedade 26/05/2015
  Envía a túa opinión

A CIG-Saúde denuncia a modificación do calendario de vacinación infantil que se vén de comunicar vía circular aos centros de saúde, diante do desabastecemento provocado polas multinacionais farmacéuticas. María Xosé Abuín, secretaria nacional, considera que no canto de denunciar a actitude dos laboratorios, a consellaría “dobrégase á súa tiranía” priorizando os seus intereses aos das e dos doentes. Segundo explicou Abuín en rolda de prensa, a modificación do calendario de vacinación vén provocado polo desabastecemento a nivel mundial por parte dos dous laboratorios que elaboran a vacina pentavalente (difteria, tétanos, tos ferina, polio, haemophilus e meningococo) e a trivalente (difteria, tétanos, tosferina). Con este cambio a consellaría substitúe  a pentavalente, que se administra aos 4 e 18 meses, pola hexavalente que inclue a hepatite B, e retrasa a trivalente, que se administra aos 6 anos, ata que se dispoña de  existencias. Ante isto, Abuín lembrou que ”o calendario de vacinas está deseñado por profesionais da sanidade pública” e denunciou que o que se está facendo é mudalo por outro “que impón a industria farmacéutica”.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -60 -61 -62 -63 -64 -65 -66 -67 -68 -69 -70 -71 -72 -73 -74 -75 -76 -77 -78 -79 -80 -81 -82 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros