Publicidade Radiofusión
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Martes 16 de Xaneiro de 2018

Emisoras > Radio Culleredo

Información da emisora Novas da emisora

Cartaz do festival

O III Festival Empape achega a danza ás rúas coruñesas

Cultura 01/07/2010
  Envía a túa opinión

Artestudio Xestión Cultura e a Compañía Entremans organizan o Festival Empape, unha cita Internacional de Danza para impulsar o desenvolvemento cultural da cidade de A Coruña. O festival, que chega este ano a súa III edición, supón un punto de encontro e un intercambio de experiencias entre artistas e espectadores. Os seus obxectivos son sacar a danza a espazos urbanos, tomar prestados lugares da cidade herculina, xogando coa arquitectura e a relación creación-espazo e facer a danza accesible a todos/as. A terceira edición do Empape arrinca mañá venres e prolongarase toda a fin de semana.


As fotos de denuncia do maltrato infantil invaden os espazos públicos de Oleiros

Sociedade 25/06/2010
  Envía a túa opinión

Impulsar o encontro entre a realidade social e a cidadanía a través da fotografía é o obxectivo do Foro Internacional Revela que, por quinto ano consecutivo, pon en marcha o Concello de Oleiros. A iniciativa, que conta con apoio da Deputación da Coruña e a Fundación María José Jove, céntrase nesta edición na violación doS dereitos dos nenos baixo o lema Morrer de infancia.


Gonzalo Rubalcaba, unha revisión en clave de jazz ao folclore cubano

O pianista cubano Gonzalo Rubalcaba súmase á programación de xullo no Colón

Cultura 23/06/2010
  Envía a túa opinión

O pianista cubano Gonzalo Rubalcaba ofrecerá ao público coruñés a súa persoal revisión da tradición musical cubana nun concerto o vindeiro 22 de xullo no Teatro Colón Caixa Galicia. Nado na Habana post-revolucionaria, Rubalcaba absorbeu na súa nenez a cultura pop xunto coas formas tradicionais cubanas de cancións e danzas. A pesar da  diversidade de influencias, a formación do  instrumentista foi  enteiramente clásica, ao graduarse no  Instituto de Bellas Artes de La Habana en Composición Musical.


Refinaría de Repsol na Coruña

O comité de empresa satisfeito coa acta sancionadora contra Repsol

Sociedade 18/06/2010
  Envía a túa opinión

O informe da Inspección de traballo responsabiliza á empresa Repsol do accidente do pasado 15 de abril nunha das plantas de coque da refinaría coruñesa. A comisión de investigación creada co fin de averiguar o suceso concluiu que unha faísca dos traballos de soldadura causou o sinistro no que faleceu un empregado e outro sufriu quemaduras no 70% do corpo. Será agora o xulgado do penal quen depure responsabilidades. O representantes da CIG no comité de empresa presentaranse como acusación popular e o a fiscalía actuará de oficio para pór no banquiño aos responsables dos sinistro. Inspección indica que o procedemento de traballo que se estaba empregando na cámara de coque, onde se produciu a deflagración, non era o correcto.


Lugar onde se producíu o tiroteo onte

Detido en Culleredo o home que disparou á súa ex-parella

Sociedade 09/06/2010
  Envía a túa opinión

A Garda Civil e a Policia Local de Culleredo detiveron esta mañá ao home que onte disparou na Coruña á súa ex parella. Localizáronno na zona de Almeiras en Culleredo e no lugar atopáronse numerosas pastillas e anticonxelantes. Un veciño da zona deu a voz de alarma arredor das 9,45 desta mañá.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -60 -61 -62 -63 -64 -65 -66 -67 -68 -69 -70 -71 -72 -73 -74 -75 -76 -77 -78 -79 -80 -81 -82 -83 -84 -85 -86 -87 -88 -89 -90 -91 -92 -93 -94 -95 -96 -97 -98 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros