Envía a túa opinión
O Bar Gaiteira celebra o seu 50 aniversario cunha foliada. Para celebralo, o decano dos gaiteiros, Pepe Temprano, será o mestre de cerimonias mañá venres, 3 de maio, a partir das 20 horas. Na primavera de 1963 abría no número 43 da emblemática rúa da Gaiteira un local de hostalería que nestes días cumpre 50 anos. Medio século de vida no que o bar foi testemuña directa da evolución deste barrio coruñés, de varias xeracións de habitantes, da peonización..., pero que segue a ser un referente nas relacións sociais de cada día.
Envía a túa opinión
O doutor Luís Rodríguez Míguez abordará a historia do termalismo en Galicia. O luns, 4 de marzo, inaugúrase o curso da Cátedra de Hidroloxía Médica USC-Balnearios de Galicia. Será ás 19:00 horas, no edificio docente Roberto Novoa Santos, anexo ao Complexo Hospitalario Universitario de Santiago. No marco deste acto, o doutor Luís Rodríguez Míguez, codirector da Cátedra, pronunciará a conferencia inaugural, na que fará un percorrido pola historia do termalismo na comunidade galega.
Envía a túa opinión
A Asociación Internacional de Estudos Galegos (AIEG), con preto de 200 socios e socias residentes nos cinco continentes, desiste de acudir á entrega dos Premios da Cultura Galega 2012 que terá lugar mañá xoves na Cidade da Cultura. A decisión tomada pola xunta directiva da asociación é un xeito de expresar o seu apoio aos traballadores e traballadoras das artes escénicas e musicais que se manifestan na Cidade da Cultura desde hai dous días, en solidariedade cun reclamo que atinxe a todas as persoas implicadas e comprometidas coa cultura de Galicia.
Envía a túa opinión
A Xunta, a través de Turgalicia, da Secretaría Xeral para o Turismo, vén de organizar un curso para a especialización de guías turísticos de Galicia en materia dos conxuntos botánicos galegos, dentro da estratexia de difusión dos produtos cabeceira da marca do Turismo de Galicia, concretamente o denominado Ruta da Camelia, no que se inclúen distintas experiencias turísticas nos xardíns máis emblemáticos da Comunidade galega.
