Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Domingo 22 de Abril de 2018

Programas > Músicas e Letras

Información do programa Novas do programa

Tonhito de Poi aposta no seu novo espectáculo por ir “A pelo”

Cultura 04/06/2010
  Envía a túa opinión

O pub A Guinda de Vigo (r/Real, 50 baixo. Zona vella) acolle á doce desta noite a estrea do novo espectáculo do ex-Herdeiros da Crus, Tonhito de Poi. A pelo, este é o nome da proposta que mestura música e humor e que, segundo confesou o propio artista en Radiofusión, “fala da roda da vida”. Tonhito de Poi lembra na peza anécdotas da mili, as primeiras frases da súa filla ou as palabras da súa avoa quen lle dicía que “o importante é ser persoa”.




The Homens celebran o seu 5º aniversario tirando de versións

Cultura 03/06/2010
  Envía a túa opinión

A Casa das Crechas de Santiago acolle ás dez e media desta noite a celebración do quinto aniversario de The Homens. É a primeira vez que a banda compostelá actúa neste mítico espazo da zona vella e farao rodeado de amigos. Será un concerto especial no que o cuarteto non interpretará ningún dos seus temas propios, senón as versións que levan facendo ao longo deste lustro de andaina de bandas de power-pop. O vocalista e guitarrista da banda, Martin Wü, asegurou en Radiofusión que todo o que viviu co grupo ao longo destes anos foi positivo xa que gravaron dous EPs e dous discos longos, tocaron en salas de toda Galicia, tamén en Barcelona e andaron de xira por Alemaña, ademais de comer en fantásticos restaurantes a costa do grupo.


Luar na Lubre no último Festival Folk A Fraga de As Pontes

Regalamos cinco entradas dobres para ver ao vivo a Luar na Lubre

Cultura 02/06/2010
  Envía a túa opinión

O programa “O Viraventos” de Radiofusión regala cinco entradas dobres para asistir ao concerto que Luar na Lubre dará este domingo, 6 de xuño, no Auditorio de Galicia. O concerto servirá de peche ao ciclo Xacobeo Raíces e permitiranos gozar do repertorio da considerada por Mike Oldfiel como “o mellor grupo celta do mundo”. Para conseguir as entradas só tedes que enviar un e-mail co voso nome e apelidos a viraventos@radiofusion.eu ou chamar ao teléfono 981 34 90 04.



O melancólico encontro de Víctor Aneiros e Ramiro Fonte

Cultura 01/06/2010
  Envía a túa opinión

Brétemas da memoria, este é o título que o músico ferrolán Víctor Aneiros escolleu para publicación do seu quinto álbum. Un traballo no que volve á súa infancia grazas á poesía de xuventude e primeira madurez do poeta de Pontedeume Ramiro Fonte (1957-2008). Aneiros nunca coincidiu fisicamente co escritor, aínda que si mantivo conversas telefónicas con el un ano antes da súa morte, cando decidiu facer a adaptación dun dos seus poemas, “Na barra”. Desta volta, Fonte invade todo o álbum coa súa poesía urbana, melancólica e solitaria, coa que tanto se identifica Víctor. En total, sete textos de Ramiro, acompañados doutro poema do escritor Xosé Carlos Caneiro e dúas pezas instrumentais que abren e pechan Brétemas da memoria: “Bule bule” e “Canido blues”, unha homenaxe ao barrio natal do vocalista, guitarrista e compositor. O disco xa está na rúa e este xoves, 3 de xuño, será presentado oficialmente aos medios no Arteria Noroeste de Compostela.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -60 -61 -62 -63 -64 -65 -66 -67 -68 -69 -70 -71 -72 -73 -74 -75 -76 -77 -78 -79 -80 -81 -82 -83 -84 -85 -86 -87 -88 -89 -90 -91 -92 -93 -94 -95 -96 -97 -98 -99 -100 -101 -102 -103 -104 -105 -106 -107 -108 -109 -110 -111 -112 -113 -114 -115 -116 -117 -118 -119 -120 -121 -122 -123 -124 -125 -126 -127 -128 -129 -130 -131 -132 -133 -134 -135 -136 -137 -138 -139 -140 -141 -142 -143 -144 -145 -146 -147 -148 -149 -150 -151 -152 -153 -154 -155 -156 -157 -158 -159 -160 -161 -162 -163 -164 -165 -166 -167 -168 -169 -170 -171 -172 -173 -174 -175 -176 -177 -178 -179 -180 -181 -182 -183 -184 -185 -186 -187 -188 -189 -190 -191 -192 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros