Envía a túa opinión
O Perlío xa superou a súa crise de confianza tras lograr un empate no encontro da Segunda Galicia de fútbol diante do Cultural Maniños. “O pior foron as lesións de Gabeiras e Isma con problemas musculares” afirma o adestrador Chechu Piñeiro. A borrasca non convidou a lograr unha gran entrada no campo dos Pinares.
Envía a túa opinión
Galicia de Caranza 3 – 1 Barallobre. “O resultado non foi xusto e non reflexa o acontecido no terreo de xogo, porque houbo decisións arbitrais erróneas que condicionaron o partido e notamos en moitas ocasións unha actitude de moita prepotencia nos colexiados” afirma o adestrador do equipo do Ramo Víctor López.
Envía a túa opinión
O Club Sincro Ferrol organiza unha exhibición de natación artística para conmemorar o Dia da Danza. Debuxa a música con nós é o lema da xornada do domingo seis de maio de catro e media a sete e media da tarde na piscina de Caranza. O día da danza conmemórase o domingo 29 de abril pero en Ferrol a celebración retrásase unha semana por problemas de disponibilidade da piscina.
Envía a túa opinión
O Concello de San Sadurniño homenaxea ás estrelas deportivas do momento. O patio interior da Casa do Concello acolleu na tarde do martes a recepción oficial aos dous equipos do Aldebarán e do CF San Sadurniño que acaban de pechar unha temporada histórica. No primeiro caso a formación absoluta -o Aldebarán-Intasa- logrou hai escasos días o primeiro posto na SM2 e o pase directo á Superliga, máxima categoría do volei estatal. Ademais, o Aldebarán-Fisioche-Ben feminino tamén acaba de certificar a súa permanenca na primeira división autonómica. Pola súa banda, o equipo prebenxamín do CF San Sadurniño, e tamén por primeira vez na súa historia, conseguiu facerse co campionato ligueiro da zona. No acto, que durou uns 20 minutos, houbo unha chea de felicitacións tanto para deportistas como para persoas que traballan e traballaron durante anos apoiando o labor deportivo de ambos clubs.
