Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Xoves 21 de Xuño de 2018

Programas > A Base do Deporte

Información do programa Novas do programa

Os rapaces inícianse moi novos na patinaxe artística

O pavillón de As Roteas de Vigo acolle o Campionato Provincial de Patinaxe Artística

Deportes 07/05/2009
  Envía a túa opinión

O Club Coruxo organiza esta fin de semana no pavillón de As Roteas de Vigo o Campionato Provincial de Patinaxe Artística de Figuras Obrigatorias e Libra das categorías cadete e sénior. A competición, na que participan sete clubs, comezará ás dez da mañá do sábado coas figuras obrigatorias da categoría cadete, seguida de xuvenil e júnior. Xa pola tarde será o momento da competición do programa curto de cadete, xuvenil, júnior e sénior. O domingo pola mañá, será a competición do programa libre tamén en todas estas categorías. O campionato acabará ás dúas coa entrega de medallas.


Partido de kaiak polo

O kaiak polo, un deporte cunha curta pero intensa vida en Galicia

Deportes 06/05/2009
 5 comentario/s - Envía a túa opinión

O kaiak polo xurdiu por casualidade na Gran Bretaña dos 60, aínda que foi Oliver Cock o seu pai teórico, o pioneiro que perfilou as regras do xogo. En 1971 celebráronse no Reino Unido os primeiros campionatos deste deporte. A partir de aí, a nova disciplina comezou estenderse. Chegou ao resto de países europeos e tamén a outros puntos do globo terráqueo máis afastados como Hong Kong ou Australia. En 1993 inauguráronse os Europeos e ao ano seguinte disputouse o primeiro mundial. En España existen dúas competicións de clubs de carácter oficial. Unha delas a Liga Nacional de Kaiak Polo e a outra é o Campionato de España. Galicia demostra nesas competicións que é unha das comunidades máis destacadas neste novo deporte.

 


Gestido é unha das grandes atletas galegas

Gestido e Nimo vencen no Trofeo San Miguel de Oia

Deportes 05/05/2009
  Envía a túa opinión

A Sociedade Atlética Deportiva San Miguel de Oia vén de celebrar a súa tradicional carreira mixta, na que se deron cita algúns dos nosos grandes atletas. Finalmente, non houbo sorpresas, porque unha vez máis María Jesús Gestido e Pedro Nimo foron os grandes triunfadores. Hai quen asegura que o feito de celebrar conxuntamente a carreira de homes e mulleres implica que non se valore na súa xusta medida o que realizan “elas”, e máis se a proba conta coa participación dun Pedro Nimo que é puro espectáculo. Non obstante, María Jesús Gestido fixo unha auténtica demostración de bo atletismo, realizou unha gran carreira, nun circuíto duro, con subidas e sobre todo unha baixada, que obrigaba a constantes cambios de ritmo. Foi claramente superior en liña de meta ás súas rivais.


O salvamento deportivo vai adquirindo visibilidade en Galicia

Catro medallas e un novo récord galego para a selección galega de salvamento deportivo

Deportes 04/05/2009
  Envía a túa opinión

Dúas medallas individuais, dúas de equipos, un récord galego e unha cuarta posición xeral podería ser o resume dos resultados obtidos pola selección galega de salvamento deportivo no V Trofeo Internacional de Cáceres 2016. Os mellores resultados individuais foron para os deportistas Cristina García (SAPO), que acadou a segunda posición e unha nova marca galega despois de facer un tempo de 2:21,45 no 200 obstáculos; e Jorge Vega (UMIA) bronce en 50 rescate. En equipos as rapazas acadaron o terceiro posto, empatadas co Oriol, na proba de 4x50 obstáculos e os rapaces o segundo posto no 4x25 remolque de manequín.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros