Publicidade Radiofusión
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Mércores 17 de Xaneiro de 2018

Programas > A Base do Deporte

Información do programa Novas do programa

Open das Nacións en 2008

O remo europeo dáse cita esta fin de semana en Castrelo do Miño no III Descenso do Ribeiro

Deportes 26/02/2009
  Envía a túa opinión

O Open das Nacións - III Descenso do Ribeiro reunirá neste concello ourensán a 50 embarcacións de practicamente toda Europa, con 400 deportistas en competición. A xornada deste venres está reservada aos adestramentos oficiais. O sábado, a partir das tres da tarde terá lugar a competición de 1.000 metros. A gran novidade desta edición é que se realizarán tres tandas clasificatorias e as tripulacións con mellores tempos terán posteriormente a gran final a tempo real. O domingo, a partir das once da mañá, será a quenda do Descenso con 6.500 metros. Comezará no Balneario de Laias e a chegada situarase en Castrelo de Miño.


Selección Galega sub-20

Galicia, a elite do fútbol sala estatal

Deportes 25/02/2009
 1 comentario/s - Envía a túa opinión

A selección galega masculina de fútbol sala sub-20 vén de proclamarse esta fin de semana campioa de España nunha final que dominou de principio a fin. O equipo galego superou a Castela e León por 5-2. Deste xeito, os galegos completaron un gran campionato que culminaron cun gran partido ante Castela e León, unha selección que demostrou ser digna finalista. Ao descanso chegouse cunha avantaxe para os galegos de 2-0 no marcador. O partido animouse moito máis na segunda metade, despois de comezar con varios goles, achegándose os momentos máis intensos nos instantes finais do encontro. Daquela o marcador igualábase, aínda que o empate duraba pouco. Mentres, a escasos minutos para o final os galegos remataban o encontro ao facer o cuarto e o quinto gol, respectivamente.


Loitador do Keltoi en plena competición

O Club de Loita Keltoi quere repetir os exitosos resultados do campionato galego no estatal

Deportes 23/02/2009
  Envía a túa opinión

O club de Vila de Cruces participará esta fin de semana no Campionato de España de Loitas Olímpicas nas categorías de sénior e cadete despois de impoñerse con solvencia aos seus adversarios no Campionato Galego celebrado hai uns días. Na categoría absoluta, os pontevedreses impuxéronse na modalidade de libre olímpica por diante do club de loita Vilalba que foi segundo, mentres que o San Ignacio de Vigo rematou terceiro. Os loitadores do Keltoi tamén acadaron a primeira posición na modalidade de loita grecorromana, grazas ás vitorias individuais de Miguel Caramés, Eliseo Permui, Rubén Méndez, Miguel Garnil e Marcos García. Ademais, os loitadores de Vila de Cruces tamén foron quen de impoñerse na categoría cadete na modalidade de loita grecorromana ao superar ao Santa Uxía de Ribeira e San Ignacio de Vigo.


Presentación da Liga Feminina de Traiñeiras

Galicia xa ten Liga de Traiñeiras Feminina

Deportes 20/02/2009
  Envía a túa opinión

A directora xeral para o Deporte, Marta Souto, e o presidente da Liga Galega de Traiñeiras, Juan Ramón Outeda, veñen de presentar a Liga galega feminina de Traiñeiras. A competición comezará este ano grazas ao apoio unánime da asemblea da Liga Noroeste. "Esta liga feminina é un fito na historia do remo tradicional galego e un paso máis no afianzamento da igualdade do deporte, grazas aos clubs que están traballando día a día para acadar a igualdade no remo", asegurou Marta Souto.


 

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros