Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Luns 25 de Xuño de 2018

Programas > A Base do Deporte

Información do programa Novas do programa

José Manuel Suárez en plena competición

José Manuel Suárez comeza o ano demostrando que el é o líder absoluto do trial

Deportes 18/02/2009
  Envía a túa opinión

Falar de trial en Galicia é falar de José Manuel Suárez. Este motociclista da Pobra do Caramiñal domina os campionatos autonómicos desde hai máis dunha década e conta ademais cun bo número de podios nos campionatos estatais e mesmo con participacións internacionais. Neste 2009 parece que segue polo mesmo camiño, xa que Suárez vén de gañar a primeira proba do ano do Campionato Galego absoluto de trial, celebrada na localidade fronteiriza de Entrimo.

 


Eva Costas, campioa de lanzamento de peso

Os atletas galegos fixéronse con dous ouros, unha prata e un bronce nos Campionatos de España júnior en pista cuberta

Deportes 17/02/2009
  Envía a túa opinión

Un total de 18 atletas galegos competiron esta fin de semana en San Sebastián no XXXVI Campionato de España júnior de pista cuberta. Eva Costas e Sandra Mosquera proclamáronse campioas de España en lanzamento de peso e 1.500 metros respectivamente. A primeira acadou unha marca de 12,82 metros, en tanto que a segunda fixo a milla nun tempo de 4.40.52. A estes dous títulos hai que sumar as preseas acadadas por Lucía Pérez en triplo salto, que se alzou coa medalla de prata. Mentres, Santi Pérez fíxose coa de bronce en pértega, despois de superar o listón en 4,45 metros. Pola súa banda, Samuel Paz bateu o récord galego júnior en 200 metros e Iria Abelleira clasificábase en sexta posición na proba de salto de altura.

 


Integrantes do Marbel

O Marbel de Ourense pensa xa no Campionato de España de Jiu-Jitsu tras facerse con sete metais no galego

Deportes 16/02/2009
  Envía a túa opinión

Golpes, esquives, empuxóns, proxeccións, lanzamentos, accións sobre as articulacións e estrangulamentos son as técnicas básica do jiu-jitsu. Unha arte marcial que ten como un dos máximos expoñentes en Galicia ao Ximnasio Marbel de Ourense. Precisamente, os integrantes deste club foron os que obtiveron os mellores resultados en conxunto no Campionato Galego de Jiu-Jitsu, celebrado hai uns días no pavillón dos Remedios, en Ourense. Foron sete metais os acadados, cinco ouros e dúas pratas.


Combate dunha deportista galega no Campionato de España júnior

Catro medallas de ouro, catro de prata e sete de bronce para os taekwondistas júnior galegos

Deportes 13/02/2009
  Envía a túa opinión

A Selección Galega júnior de taekwondo amosou de novo o seu potencial durante o Campionato de España celebrado en Tarragona, xa que conseguiron un total de 12 medallas. Na categoría masculina acadaron ademais o terceiro posto por equipos. O galego que subiu ao máis alto do podio foi Francisco Padín Oliveira, do Olimpic-Vilagarcía; e catro participantes da nosa terra fixéronse con outros tantos subcampionatos estatais. Os taekwondistas que acadaron estes éxitos foron Xurxo Choren Lago, do Olimpic-Vilagarcía; Sabela Lonja Dios, do Natural-Sada; Lucía Ferrari Piñeiro, do Patiño-Moaña e Katia Calvar Martínez, do Mat's Marín.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros